Guwahati, Jan 17: Sonibar attamo, Prime Minister Narendra Modi, Bagurumba chrokaniko nianga, jean Bodo jatrangni dakbewal ong•a aro iako India-ni Salgro Salaram-ni jatrangni dakbewalrangoni su•ubatgiparangoni mingsa ong•a ine scholar-rang parakataha.
Bagurumba-ko “Butterfly Dance” ineba aganronga, uan ong•telaigipa a•gilsak baksa nangdima, aro Bodo-rangni janggi tangani aro bebera•anio gamchatgipa ong•a.
Jatrangni ong•baani bidingo Guwahati University-ni Chandramukhi Boro-ni am•sandie nianio, Bagurumba-ko “India-ni Salgro Salaram-ni jatrangni dakbewalrangoni su•ubatgiparangoni mingsa ong•a aro uan Bodo jatrangni ong•telaigipa samtangtang baksa meli-nangrimani, bebera•ani aro ong•baani gimin mesoka,” ine talataha.
Ia chrok-mesaani ong•baani chengoni ong•a aro itihas-ko niede uni a•bachengbaaniko u•ina man•ja ine Assam minister UG Brahma aganangaha.
“Jatni dakbewalni itihasko niede Bagurumba git aro chrokani ong•baani somoi chong•motkode u•ina man•ja. Ia chrokaniko ding•kario neng•bee kam ka•ani ja•mano kusi ong•e dakronga, jeon me•chik bi•sarang damsan chrok-mesae, an•tangtangni jora baksa ka•sagrikaniko chanchisamsoa,” ine ua aganangaha.
Bagurumba chrokaniara India-ni gipin chrokanirang gita bebera•anirang ba raja-ranirangko mande ra•aoni ong•baja, indiba samtangtang aro salantini janggi tangaonisa ong•baa. Am•sandigipani aganani gitade, chrokanio be•enko mojimatanirang- me•piliprangno il•lengani, chiringrangni jokangani aro bolrangni mojimanirangko mesoka- jean Bodo jatrangni bebera•ani aro samtangtang baksa nangrimaniko mesoka.
Bagurumba-ko Bwisagu, ba Bodorangni bilsi gitalko maniani somoio Bodo me•chikrang chrokronga, aro chrokani bewalrangko see rakkiani gri chasongno chasongna uko dakbaaha. Uko ku•agananichi aro ranta ka•anichi skie ripingbaroroaha. “Bagurumba-ara chrok-mesaanisan ong•aija, indiba Bodo-rangni ong•telaigipa a•gilsak aro bebera•aniko mesokaniba ong•a,” ine ia am•sandianio janapaha.
Itihas-o ia chrokani Bathousim baksa bak nangea, jean Bodo-rangni chengoni bebera•gipa torom ong•a, aro ua a•gilsako dakgimin mingbonga bakrangko mesoka. Me•chikrang ia chrokaniko ripingna mongsonggipa kamko ka•a, aro chasongsaoni chasong gipinona skiroroanirangko daka ine ia am•sandianiko talataha.
Bagurumba-o changsaode songrangosan chrok-mesaaiachim aro a•palchini manderang nikrongjachim indiba 1957 bilsuo uko Republic Day-ko manianio chroke mesokchengon, a•songni pilak manderangan uko nikaha. Unoni dipetan uko India-o aro gipin a•songrangonaba re•ange chrok-mesaanirangko dakna a•bachengaha. Indake ong•genchimoba, “Bagurumba tanggipa dakbewal ong•a, aro uni gunko rakkie dingtangrorobaenggipa chasongrang baksa meli-ma•gapa,” ine am•sandianio nikna man•aha.
Da•asalni chrok-mesaanio Prime Ministee-ni dongpaaniara namen gisik ra•na kragipa ong•a, aro ia gitalgipa chasongo Bodo jatrangna an•tangtangni ma•ambioni dakbaenggipa bewalrangko ripingna nangani gamchataniko mesoka.
“Hai an•ching Bagurumba-ko a•gilsako mongsonggipa chrokani ong•atna,” ine Brahma ku•mongrimaniko on•angaha. Uandake ha, Bagurumba-an Bodo-rangni national dance ong•a ine agandapaha aro ian karisa ba maniani mingsao dakanisan ong•aija ine talataha. “Ian katchaani, gital ong•ani, aro ong•telaigipa samtangtangna mitelaniko mesoka,” ine ua aganangaha.
Bagurumba-ko ia attamo a•songni manderangni mikkango chrok-mesaaniko dakon, ua nina nitogipasan ong•aija indiba Assam-o Bodo jatrangni dakbewalrangko ong•telaigipa samtangtangchi, bebera•achi, aro me•chikrangni dilanichi rikaniko mesoka.
Na·simang iakoba nina man·gen:
Na·simang iakoba poraina man·gen: Fr. Benoy Joseph-ni kam ka·chakatanichi Garo Hills-o dingtanganiko ra·baa
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
