Tura, June 27: Food and Safety department baksana Prime Hub Tura nangrime, Mongolbar salo Garo Hills-o ma·manti cha·ani bosturangko tarie bading-chiwalaniko dakenggiparangko FSSAI-o biming segatani programko Tura-ni Prime Hub Conference room-o ong·atangaha.
FSSAI-ni Asst. commissioner Pa T Ch. Marak baksana food safety department-ni officer saksa aro sakbonga staff-rang, pring 10 bajioni a·bachenge Garo Hills-oni bading-chiwalgiparangko biming segatangaha.
Iani bidingo Tura Centre-ni Manager, Lisa M Sangma, unomiting Hubnews koborna aganangengon, A·chik a·songoni cha·ani tarie bading-chiwalaniko dakenggiparangoni bang·batan FSSAI-o biming segatna nanganiko ba food safety licensing department baksa nangdimatna nanganiko u·itokkujani gimin uamangna dingtangmancha miksonge ia programko ong·ataha ine parakataha.
“Ia somoirango a·doniko pilak bading-chiwale cha·enggiparangna aro iandakgipa janggi tangani cholko a·bachengenggiparangna PRIME, gimik dakgipa dakchakanirangkon on·engani gimin cha·ani bosturangko tarie bading-chiwalaniko dakenggiparangna, FSSAI-ni Assistant Commissioner aro food safety department-ni team baksa nangrimenba FSSAI-o joljol uamangko bimingko segatna gita FSSAI facilitation program-ko ong·ataha ineba ua agandapataha.
Ia programo, sak 70 na baten manderang FSSAI-o bimingtangtangko segatangaha aro uamangko joljol biming segatangani ja·man dorkasto on·giparangni email gita certificate-koba on·angjolaha.
Iakoba poraie nina man·gen: Manderangni namgninan administration, a·doko natok palaniko champengatenga ine skotong minister agananga
Watch
