Tura, Jan 23: January-ni 23 aro 24 tarikrango salgnina Purakhasia-o ong·atenggipa Mega Darong Festival-ko Sukrobar salo a·bachengataha.
Purakhasia-o skanggipa changna ong·atenggipa ia Mega Darong Festival-ko Meghalaya a·dokni Chief Minister Conrad K Sangma aro Salmanpara Constituency-ni MLA Ian Bothan K Sangma-ni dakchakanichi, Babelapara GHADC Constituency-ni MDC Rakesh A Sangma a·bachengate on·aha.
Ia Darong Festival-ko a·bachengatanio Babelapara MDC Rakesh A Sangma, jinmana aganprakengon, ia festival-ko ong·atna man·ahani gimin a·dokni Chief Minister aro Salmanpara-ni MLA-ko mittelpilangenba, ia Darong Festival-ko bilsiantian ong·atna jotton ka·anggen ine ku·rachakaniko on·angaha.
Ia Mega Darong Festival-ko ong·atani miksonganiara, jolni chadamberangna, an·tangtangni changa sapanirangko mesokna aro Purakhasia jolrango songdongenggipa manderangko ku·cholsan bakrimna cholko on·anian ong·enga.
Ia Darong Festival-o jatni kal·susaanirang, jekai An·ding Oka, Wa·pong Sika, Ja·ta Rata aro Wa·pong Maldoa baksana gari salsusaani aro beauty contest-rangkoba ong·atenga. Ia salgnina ong·atenggipa Darong Festival-o Garo Hills-ni mingsinggipa dol aro git ring·giparang, jekai Saldorik & The Band, Da Suraka aro uandakgipa dolrangba gitrangko ring·e manderangko an·saoatenga.
Na·simang iakoba nina man·gen:
Na·simang iakoba poraina man·gen: Rishikanta Singh-ni siani bidingo NIA am·sandigen: Manipur Guv
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
