Tura, Jan 23: West Garo Hills a·jao tom·tomaniko rakkiangna aro dingtang dingtang jatrangni gisepo ku·mong nangrime donganiko rakkiangkuna gita Sukrobar salo, West Garo Hills a·jani Deputy Commissioner Vibhor Aggarwal-ni dilanichi. Tura-ni Circuit House-o gnigipa tom·aniko ong·atangaha.
Adita salrangna skang Rajabala jolo a·sel ong·ani ja·man, dingtang dingtang jatni gisepo ding·chaogrikanirangko champengna ia tom·aniko ong·atangaha.
Ia tom·anio, West Garo Hills a·jani Superintendent of Police (SP) Abraham T Sangma, dingtang dingtang official-rang, songsalna kam ka·enggipa dolni dilgiparang, toromko dilgiparang aro gipinrangba bak ra·angtokaha.
Ia tom·anio West Garo Hills a·jani DC, tom·anio bak ra·gipa manderang baksa chanchirimengon, a·jao songdongenggipa mande sakantinan naljokaniko on·na gita District Administration, gisik on·e kam ka·enga ine aganenba, so·sojengjeng ong·anirangko chel·chakna gita sakantikon bakrime kam ka·china didiangaha.
Iandakgipa a·sel ong·ani somoirango pangnan tol·e jangbingbanganirangchi obostarangko namjabatatronga ine janapatengon, tol·gipa koborrangko social media-rango gipatjachina DC mikrakataha aro pangnan kakketgipa koborrangkosa bebera·china manderangkoba didiataha.
Tom·tomaniko rakkina gita District Administration, dingtang dingtang toromni dilgiparang aro songsalni dilgiparang baksa nangrime kamko ka·enga ineba ua aganaha.
Na·simang iakoba nina man·gen:
Na·simang iakoba poraina man·gen: Purakhasia-o Mega Darong Festival-ko a·bachenga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
