Imphal, Jan 23: Manipur a·dokni Governor Ajay Kumar Bhalla, Meitei jatrangoni saksa Mayanglambam Rishikanta Singh-ni siani bidingo che·em che·em am·sandina gita National Investigation Agency (NIA)-na pakwatataha ine Bristibar salo parakataha.
Joint Action Committee, Member of Parliament Dr. Angomcha Bimol Akoijam-ni dilanichi MLA Thokchom Lokeshwar Singh aro Kangujam Ranjit Singh-ni aro sianggipa mandeni nokdangni manderangni dongpaanio, Mayanglambam Rishikanta Singh-ni siani bidingo am·sandichina mol·mole Manipur Governor Ajay Kumar Bhalla-na Memorandum-ko on·angaha.
Indake Governor-ba, uni sianina kalimpaaniko nokdangni manderangna on·angaha.
Batanggimin Budbar walni bako, Kuki bobil dol ine chanchichipenggipa dolni manderang Mayanglambam Rishikanta Singh-ko rim·srukangenba Churachandpur a·jao goaha. Iano jak donggipa manderangni kosako raka aro kraa ja·kuko de·china mol·mole uamangni Memorandum-o janapataha.
Ia obostani bidingo am·sandina gita National Investigation Agency-na pakwataha aro iano jak donggipa manderangko rim·na gita Budbar waloni ma·mong aro a·dokni sipairang nangrimenba am·sandianiko dakenga ineba Governor janapataha.
Na·simang iakoba nina man·gen:
Na·simang iakoba poraina man·gen: Manipur: Sakgni tangka dabidrae ra·giparangko Kangpokpi-o rim·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
