Guwahati, Apr 2: Indian National Congress-ni dilgipa Rahul Gandhi, Assam-o Congress bil-ona re·bagenchimode Karbi Anglong-na Article 244A of the Indian Constitution-ko ra·gate on·gen ine ku·rachakangaha, jeni miksonganian jolo songdonggipa manderangna bang·bata bilrangko on·anian ong·a jedakode uamang an·tangtangtangan a·atang chiatang, jatni dakbewal rikbewalrang aro jattangko naljoke rakkina man·gen.
Iani gisepon, ua BJP sorkariko nangana bate bilrangko jakkale manderangko rim·kepan baksana a·arang aro ong·telaigipa gamrangko dal·dalgipa karkanarangna on·enga ine matnangataha. Ua Skotong Minister Himanta Biswa Sarma-ko tangka cha·a ine matnangatenba, bebe gita Congress bil-ona re·bagenchim ong·ode iani bidingo uamang am·sandianirangko dakatgen ine ua aganangaha.
Iani gisepon, ua pilak kam ka·anirangkon ma·mong sorkarian rim·kepaniko dakenga ine Prime Minister Narendra Modi aro gipin BJP-ni dilgiparangkoba matnangataha.
Ua dingtang dingtang namgnirang jekai me·chikrangna bading chiwalaniko a·bachengatna sakprako gong 50,000 tangkarangko on·ani, king lakh 10 a·a nokgipa ong·ani lekkarang baksana nokdangprakna lakh 25-ni health insurance-ko on·a ku·rachakangaha.
Ia changni election-o Congress chegenchim ong·ode, git ring·anina mingsing minggamako man·gipa Zubeen Garg-na sal 100-ni gisepon kakket bichalko ka·e on·gen ineba ua janapangkuaha.
Gimikni gita niatgenchim ong·ode, Congress-ni campaign ka·aniara manderangna bang·bata bilrangko on·an baksana a·a nokgipa ong·ani bilrangko naljoke rakkina aro manderangna namgniko on·anina gisiko on·batenga.
Na·simang iakoba nina man·gen:
Na·simang iakoba poraina man·gen: Assam-ni Boko-Chaygaon constituency-o UPPL campaign ka•anga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
