Shillong, June 25: Raja Raghuvanshi-ko so•otani bidingo sandianirangko dakengon, Meghalaya Police-ni Special Investigation Team (SIT), matnangako man•gipa Silome James-ni parakatanirangchi, ge•sa pistol aro ronggni .32 gulirang baksa tangka 50,000-ko Budbar salo man•aha.
Sonam-ni jolao dongopa tangkarang, sonarang, mobile phone aro pistol-ko Meghalaya Police-ni SIT, adita salrangna sandiengachim. Raja-ko Sohra-o so•otani ja•mano Sonam an•tangni dongnue chakgipa Indore-ni noko jolako donbaahachum. Raj Kushwaha aro gipin matnangako man•giparangko rim•aha ine knaani ja•mano June 8 tariko Sonam ua nokoni katange June 9 tariko Uttar Pradeshni Ghazipur-o an•tangko bame on•aha aro uni ja•mano Meghalaya Police uko jako ra•aha.
Silome James, Budbar salo silchidarerangko donchakgipa biapona Police dolrangko rimangaha aro policerang uarangko an•tangni jako ra•aha. Sandianirangko dakangkuon, Silome James-ni I10 garioniko tangka 50,000-ko man•aha.
Indake ong•on, Raj Kushwaha-ni laptop bag-oni tangkarangko ua ra•aha ine James ku•chakaha.
Laptop bag-ko kamgiminko man•aha aro laptopkode man•kujaenga ine Khasi Hills Superintendent of Police Vivek Syiem parakataha. Laptopko soroksamo goe galataha ine James aganaha.
Ia laptop bag-ko man•aniara adita salrangna skang, SIT Indore-ni MR3 Hare Krishna Vihar-o so’gimin bag-ni bisemsemrangko man•ani baksa melia. Policerangni aganani gitade, ia bag-o tangka lak 5, pistol ge•sa, Sonamni phone aro Raja-ni sonarang dongachim.
Budbar salo silchidarerangko aro adita tangkarangko man•anian policerangni agananirangko ong•bebea ine mesoka.
Obosta ong•anio sakkirangko nosto ka•anina SIT Silome James, aro Balbir Ahirbar ba “Ballu” (security guard) aro Lokendra Singh Tomar-ko (Sonam-ni dongnue chakgipa nokni nokgipa) rim•aha aro uamangko ta•raken Shillongona rimanggen. Meghalaya Police-na Silome James aro Ballu-ko salsni-na aro Lokendra Singh Tomar-ko sal-gittamna rimbana on•enga.
Obostao mongsonggipa matnanganiko man•giparang Sonam Raghuvanshi aro Raj Kushwaha, aro so•otaniko dakna tik ka•gipa Vishal Singh Chauhan, Akash Rajput aro Anand Kurmi ong•a.
Na·simang ia video-koba nina man·gen:
Na·simang iakoba poraina man·gen: Aizawl songjinma rikamoniko guli-rangko man·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
