Shillong, Jul 23: Indore songjinmao bading chiwalgipa Raja Raghuvanshi-ko so•otanio matnanga man•gipa sakgittam manderangna jamin on•ahani gimin so•ota man•gipa Raja-ni adatang Vipin Raghuvanshi, Shillong-ona re•baaha aro ua iani bidingo Meghalaya High Court-o badi ka•doangna tik ka•aha.
Shillong-ona sokbaani ja•man kobor ra•timgipa manderang baksa agangrikengon, ua Raja-ni death cerficate aro post mortem report-ni copy-ko ra•na Shillong-ona re•baaha aro matnanga man•gipa sakgittam manderangna jamin on•ani gimin Meghalaya High Court-o badi ka•dona tik ka•angaha ine Vipin aganaha.
Raja-ko so•otanina matnanga man•giparangoni saksa Sonam, jail-o dongengmitingo saming baksa golpo ka•rongenga, uko ma•sie ra•na gita ua, Sonam-ni call record-rangko sandichina mol•molgen ineba Vipin aganaha.
Vipin-ni aganani gitade, Raja-ko so•otanio matnanga man•gipa sakgittam manderang, chong•motan Indore-o Sonam-ni dongchakgipa nok parani nokgipa Lokendra Tomar, security guard Balbir aro sakgipin Shilom James-na jaminko on•ahani giminba, Raja-ni nokdangna namen suk ong•gijaniko ong•ataha aro iani bidingo ua Meghalaya High Court-o badi ka•dona tik ka•aha.
Matnanga man•gipa manderangoni Shilom James-na jamin on•aniko High Court-o ra•bina gita Raja-ni adatang Vipin, Shillong-ni ukil Sujit Dey-ko ra•aha.
Na·simang iakoba nina man·gen:
Na·simang iakoba poraina man·gen: Chatro chatrirangni gisepo drugs jakkalaniko bon·atna workshop-ko ong·ata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
