Shillong, Jun 3: Sombar salo, Sohra jolo donggipa Weisawdong chidare sambaoniko sogimin manggisiko man•ani ja•man Raja Raghuvanshi-ko saobarangsa so•ote ia biapo galangaha ine Mongolbar salo, East Khasi Hills a•jani Superintendent of Police (SP) Vivek Syiem parakataha.
SP-ni parakatani gitade, ia mandeko so•otanio jakkalgipa ong•na nanga ine chanchichipenggipa atte aro mobile phone-koba police-rang man•aha.
Sing•anirangna aganchakaniko on•angengon, police-rangni man•gipa atteara internet gita bregipa ong•na nanga ine police-rang chanchichipenga ine SP parakataha.
Ia mandeko so•otaniara chanchisamsoe dakani gita nikenga aro ia mandeko dingtang dingtang miksonganio so•otengnaba gnang ineba ua aganaha.
Da•o dipet ia mandeko a•silangchi galonatna skangan so•otama ma galonatchengani ja•mansa attechi so•otama name ma•sikujaenga ine janapatengon, post mortem report-ko man•soahaosa iani bidingo ma•sina man•aignok ine SP aganaha.
Indake ong•engon, ia a•selni bidingo kakketko ma•sina gita police-rang, gisiko nange ia a•selko am•sandienga ine Syiem aganaha.
Ia mande baksa gimakuenggipa uni jikgipa Sonam Raghuvanshi-koba police dolrang, SDRF aro NDRF-ni sipairang baksa Mongolbar salo, Wei Sawdong a•silangrangoniko sandiangkuaha indiba da•o dipet uko man•kujaenga.
Na·simang ia video-koba nina man·gen:
Na·simang iakoba poraina man·gen: Gaurav Gogoi, APCC-ni President-ni kamko jako ra·anga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
