Dainadubi, Jan 25: Dainadubi jolo National Highway (NH-127) ramako tarienggipa contractor-rang simsakjani a·selsa, DMR Check Gate jolo chadambe saksa scooty a·sel ong·e sina nangaha ine Dainadubi jolni NGO-rang matnangataha.
Kobor man·soani gitade, Sonibar attamni 6:30 bajimango, North Garo Hills a·jao donggipa Pangsudam songoni Nejubirth D Sangma minggipa chadambe saksa, ia rama gita scooty-o re·angengmiting somoio, ia ramao tarienggipa culvert a·kolo ga·ake a·sel ong·enba janggitangko gimaatna nangaha.
Indake ong·engon, ia ramako tarienggipa contractor-rang, kam ka·enggipa biapo maming chinrangko (signage) donjani a·selsa ia chadambe, a·kolo ga·ake a·sel ong·na nangaha ine Dainadubi jolni NGO-rang matnangataha.
Ia jolrango rama tarienggipa contractor-rangni simsakjani a·selsa ia chadambe, a·sel ong·e janggitangko gimaatna nangaha ine janapatengon, ia contractor-rangni kosako rakgipa ja·kurangko de·china gitaba NGO-rang dabiangaha.
Iandakgipa a·selrangko champengna gita kam ka·enggipa biaprango chinrangko donchina ba kapengchina gitaba NGO-rang didiataha.
Ia a·selni bidingo u·iatengon, ua somoio andalahani a·selsa a·kolko nikjae, ia chadambe a·kolo ga·aksrue a·sel ong·na nangaha ine police-rang parakatskaaha.
A·sel ong·ani somoio ia chadambe helmet ganjae, bilongbee uni skorango mata bu·anirangko man·aha ineba police-rang u·iataha.
Na·simang iakoba nina man·gen:
Na·simang iakoba poraina man·gen: Km 6 ong·gipa gital Noonmati-Ambari Maharaj Prithu Flyover-ko 2026 bilsini February jaoni a·bachengatgen
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
