Shillong, Aug 13: Meghalaya a•dokni dingtang dingtang ramarango ma•manti bosturangko palbadinge cha•enggipa manderangna a•dok sorkari, CM Urban Livelihood Grant Scheme (CMULGS)-ni ning•o gong 10,000 ka•e tangkarangko on•na tik ka•aha ine Budbar salo, Meghalaya a•dokni Chief Minister Conrad K Sangma parakataha.
Ia scheme-ko Budbar salo, Iewduh beautification project-ni gnigipa bakna pangchakaniko songe on•angani somoio, Hima Mylliem-ni ning•o biming segate, ramarango bostu pale cha•giparangna sualatjolaha.
Ia tom•anio a•dokni Chief Minister, jinmana aganprakangengon, ramarango bostu palbadinge cha•enggiparangba economy-ko tang•doatanio mongsonggiparangan ong•a ine nikenba uamangna dakchakanirangko on•na gita ia scheme-ko a•bachengataha ine parakataha.
Tangka paisarangko dakchake on•anichi sorkari, ramarango bostu pale cha•giparangni janggi tangani gadangko nambatatna miksongenga ineba Sangma aganaha.
Ia scheme-ko Shillong songjinmaosan ong•aigija a•dokni gipin jillarangonaba sokatna gita sorkari miksongenga ineba Chief Minister parakataha.
Ia scheme-ni tangkarangko badinge cha•giparangna, uamangni bank account-rango chipatgen ine parakatengon, ia scheme-ni namgniko man•pana gita ramarango bostu palbadinge cha•enggipa pilakkon biming segatchina Chief Minister didiataha.
Na·simang iakoba nina man·gen:
Na·simang iakoba poraina man·gen: Drugs jakkalrimskarangoni joke katna mande saksa Umtrew chiringo chokona
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
