Shillong, May 7: State Reservation Policy-ni bidingo Expert Committee-ni on•gipa report-ko nipiltaina aro apsan chanchirimna gita Budbar salo pilak political party-rangni tom•aniko ong•atanio, Voice of the People’s Party (VPP)-ni dilgiparang bak ra•epajahani gimin Bristibar salo, Meghalaya a•dokni Chief Minister Conrad K Sangma suk ong•gijaniko parakatenba, political party-rang, reservation policy-na simsakgiparang ong•ode kamchiba mesokna nanga ine aganaha.
Shillong Lok Sabha by-election-na Khasi Authors Society-ni president Dr DRL Nonglait-ko National People’s Party (NPP)-ni candidate dake parakna Bristibar salo tom•bimonganiko ong•atanio a•dokni Chief Minister, tom•anio bak ra•giparangna aganprakengon, Reservation Policy-ni bidingo Expert Committee-ni report-ko nipilna gita tom•aniko ong•atanio VPP-ni dilgiparang bak ra•epajahani gimin suk ong•jaha ine parakataha.
Expert Committee-ni sorkarina on•gipa report-ni bidingo chanchirimna gita tom•aniko ong•atchina opposition dolrang dabiahani giminsa ua pilak party-rangkon okame ia tom•aniko ong•atahachim ine janapatengon, ia tom•aniona pilak political party-rangan re•bae bak ra•angtokaha indiba je political party-an, ia kamna janggitangko on•kangeba dakgrikaigen ine manderangna mesokahachim, ua party-sa sokbaskajaha ine Sangma, an•tangni suk ong•gijaniko parakaha.
Ia tom•anio dongpana man•jahani gimin VPP-ni seatgipa chittini bidingo janapatskaengon, uamango ‘dingtang nangchongmotgipa kamrang’ dongani giminsa ia kamnade re•bana man•skajaha ine Chief Minister parakataha.
Batanggimin bilsichetni gisepo uni sorkari, a•dokni nanganirangko chu•sokatna raken kamko ka•aha ineba Chief Minister agantaiaha.
Seokako man•gimin dilgiparang ong•e, a•dokni manderangna kamko ka•engon, pangnan a•songni niam bidiko pangchakesa, nama bewalo kamko ka•na nanga ineba ua kobor ra•timgiparangna aganaha.
Na·simang iakoba nina man·gen:
Na·simang iakoba poraina man·gen: Mukul Sangma-ni NPP-ona napna am·ani gimin maming u·iatani dongja: NPP State President ia koborko jegalata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
