Resubelpara, May 6: Cancer saaniko seng•gnang porikka ra•e nina nangani gimin manderangna u•iatanirangko on•na gita Sombar salo, Meghalaya a•dokni State Cancer Society, cancer screening aro awareness program-ko North Garo Hills a•jani Resubelpara Community Health Centre (CHC)-o ong•atangaha.
Ia cancer screening aro awareness program-ko ong•ataniona State Cancer Society-ni State Nodal Officer Dr Anisha Mawlong aro uni dol, re•baenba cancer sabisini bidingo songni nokni manderangna agan-talate on•angtokaha.
Ia program-ko ong•atanio Dr Mawlong, jinmana aganprakengon, cancer sabisiara seng•gnang porikka ra•e sanna bananirangko ra•genchimode nampilna man•gipa sabisi ong•a ine songni manderangko, cancer-ni chinrangko nikgenchimode, seng•gnangan hospital-rangona re•bae porikka ra•e nichina didiangaha.
India a•songo Meghalaya a•dokan cancer man•batgipa a•dok ong•engani gimin cancer sabisini chinrangni bidingo manderangna talatanirangko on•na nangenga aro hospital-rangona re•bae porikkarangko ra•e nichina didina nangenga ineba Dr Mawlong aganaha.
Da•o dipet Meghalaya a•doko cancer sagiparangko, Shillong Civil Hospital, Shillong-ni NEIGRIHMS aro Tura Civil Hospital-o simsak nirokenga ine janapatskaengon, songadam nokadamrango Village health council-rangna aro toromko dilenggiparangnaba cancer sabisini chinrangni bidingo agan-talate on•anirangko dakanggen ine Dr Mawlong parakataha.
Dr Mawlong-ni aganani gitade, Meghalaya a•doko cancer sagiparang batroroengani gimin am•sandianirangko dakon, a•doko gue cha•giparang aro ta•makku jakkalgiparang bang•ani gimin cancer saaniko man•batenga ine ma•sina man•aha.
Ia program-ko ong•atanio, Resubelpara CHC-ni Senior Medical & Health Officer Dr Rezia K Sangma-ba cancer saani bidingo manderangna agan-talatanirangko on•angaha.
Na·simang ia video-koba nina man·gen:
Na·simang iakoba poraina man·gen: LS election-ni gittamgipa phase-ni pu•onchakram biaprangona Presiding aro Polling officer-rang re•chakata
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
