Shillong, Nov 11: Chief Minister’s Special Development Fund (CMSDF)-ni ning•o chame on•gipa gong 26,72,000 tangkarangchi gital rikgipa Ri Bhoi Synod College-ni classroom-rangko Mongolbar salo, Meghalaya a•dokni Chief Minister Conrad K Sangma, nokdonggae on•angaha.
Ia college-ni gital classroom-rangko nokdonggae on•anio, Cabinet Minister Sosthenes Sohtun, dingtang dingtang MLA-rang, Ri Bhoi Synod College-ni Principal Pamong Precius Timung aro gipinrangba dongpae bak ra•angaha.
Ia college-ni classroom-rangko nokdonggae on•anio a•dokni Chief Minister, jinmana aganprakengon, ia college-ko kulianio aro dal•roroatanio jak donggipa pilakkon mittelpilangenba, ian Umsning jolnasan ong•aigija Ri Bhoi a•ja gimiknan bida budiko on•anio mongsonggipa college gita ong•enga ine aganaha.
Ia college, mikkangchi Ri Bhoi a•jao nambatsranggipa college-rangoni damsa ong•na gita ia college-ni pilak nanganirangko sorkari dakchake on•angkugen ineba ua ku•rachakaniko on•angaha.
Ia Ri Bhoi Synod College-na Auditorium Hall-ko rikna gita tangka paisarangko dakchake on•na aro ia college-na doka dam•ani bosturangko on•na gitaba Chief Minister ku•rachakaniko on•angaha.
Ia tom•anio, Cabinet Minister Sosthene Sohtun aro gipin dilgiparangba aganprakengon, Chief Minister Conrad K Sangma-ni dilanichi a•doko rama jal•lang, lekka pora aro an•seng baljokaniko on•anio namroro silroroaniko nikna man•engaha ine mittelpilangaha.
Na·simang iakoba nina man·gen:
Na·simang iakoba poraina man·gen: Capt Williamson State University-o National Education Day-ko mania
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
