Tura, Jan 30: 2022 bilsio, Tura-ni Edenbari jolo donggipa Rimpu Bagan-o adita sak manderangko police-rangni rim•anio mandena on•gimin bilrangko pe•ahani gimin badi ka•gipa manderangna sakprako gong 50,000 ka•e daiko gamchina Meghalaya Human Rights Commission (MHRC) ge•etaniko on•angaha.
MHRC-oni u•iatani gitade, 2022 bilsini June 22 tariko, Rimpu Bagan-ko police-rangni chadrapanio, manderangna on•gimin bilko pe•ahani gimin gimik mong 30 case-rangko Commission segataha indiba ming 15 case-rangkode badi ka•gipa manderang an•tangtangan ra•pilaha.
Bangki dongkuenggipa ming 15 case-rangko MHRC, ning•tue am•sandiani ja•man, ia 2026 bilsini January 29 tariko, Meghalaya sorkarini ning•o donggipa Home (Police) Department-ni Principal Secretary-na Commission-ni bon•kamgipa raiko on•ataha.
“Ia bon•kamgipa rai ba ge•etanio, mandena on•gimin bilrangko pe•ahani gimin badi ka•gipa mande sakpraknan gong 50,000 ka•e daiko gamchina u•iataniko on•ataha,” ine MHRC-oni parakataha.
Commission-ni u•iatani gitade, Protection of Human Rights Act 1993-ni Section 18(e)-o pangchake ia raiko on•ataha.
Na·simang iakoba nina man·gen:
Na·simang iakoba poraina man·gen: Shillong aro Tura-o bakan helipad-rangko tarignok
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
