Tura, Oct 12: East Garo Hills a•jao Rongjeng Stadium-ko rikna gita Bristibar salo, Meghalaya a•dokni Chief Minister Conrad K Sangma, a•dokni Sports Minister Shakliar Warjri, Rongjeng MLA Jim Sangma aro Kharkutta MLA Rupert Momin-ni mikkango, pangchakaniko songe on•angaha.
Ia stadium-ko rikna gita gong crore 9.25-ko hisape donmanaha aro iano robol kal•chakani aro manderangna asonge niani ‘gallery’-rangkoba tarina sienga.
We will create 25 artificial turf football stadium across different parts of the State including indoor stadiums for promoting other disciplines like badminton, table tennis, etc. We also plan to continue the Meghalaya Games this year and will host this year’s games in Tura.
Our… pic.twitter.com/f16SnCJaQw
— Conrad K Sangma (@SangmaConrad) October 12, 2023
Ia Rongjeng Stadium-na pangchakaniko songe on•angani somoio a•dokni Chief Minister, jinmana aganprakangengon, PA Sangma sagiara Rongjeng jolo songdongenggipa manderang baksa nangrimgipa ong•ani gimin Rongjeng-o namroro silroroaniko ra•bana gita bang•en niksamsoanirang dongachim ine parakataha.
Rongjeng-ko Sub Division songani aro mikkangchi Rongjeng-o rikna sienggipa pilak kamrangan PA Sangma sagini niksamsoanirang ong•achim ineba ua aganaha.
kal•susachakram biaprangko namdapatani gimin janapangengon, 2018 bilsioni batanggimin bilsi bongani gisepo ia sorkari gong crore 400-na baten kal•chakram biaprangko tarianio koros ka•aha ine parakataha.
Da•o mikkang bilsi bongani gisepo a•dok gimiko kal•chakram biaprangko tarina gita sorkari, gong crore 1000-mangko koros ka•gen ineba ia tom•anio Chief Minister parakataha.
Sangma-ni aganani gitade, a•dokni dam 25 robol kal•chakram biaprangko ‘artificial turf’-chi taridapna gita sorkari miksongenga.
Ia 2023 bilsini Meghalaya Games-ko Tura-o sokachakgen aro ia kal•susaanio a•dok gimikoni sak 3000-na baten kal•susagiparang bakko ra•anggen ineba Chief Minister parakataha.
Meghalaya a•doko bading chiwalgiparangko dakchakna gita sorkarini a•bachengatgipa CM Elevate program-ni giminba ia tom•anio Chief Minister, jinmana talate on•angaha.
Ia tom•anio, a•dokni Sports Minister Shakliar Warjri-ba jinmana aganprakangengon, a•dokni Chief Minister Conrad K Sangma-ni dilanichi ia sorkari, kal•susaanirango gisik nanggipa chadamberangna bang•en cholrangko ra•bae on•na man•aha aro Meghalaya a•dokko sports capital ong•atna miksongenga ine parakataha.
Rongjeng Stadium-ko rikna pangchakaniko songe on•anganio dingtangmancha MLA Cup-ni final match ba bon•kamgipa kal•susaanikoba ong•atangjolaha, jeon United Shallang FC aro Balbarian Sports Club Rongjeng dolni gisepo kal•susaangaha.
Iakoba poraie nina man·gen: M’laya-o banggrianirangona tarisamsoa
Watch
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
