Shillong, Oct 12: Meghalaya a•dokara Seismic Zone-V-o ga•akgipa biap ong•e banggrironggipa biap ong•ani gimin iandake ta•rake banggriani somoirango an•tangtangko chel•chakna aro manderangna dakchakanirangko on•na man•na gita Bristibar salo, Meghalaya a•dokni dam 12 a•jarangon mock exercise-ko ong•atangaha.

Ia mock exercise-na a•ja damantion biap dambongako seokenba, ia biaprango rang•gitik ta•rakbee banggrina nanggenchimode, maikai an•tangtangko naljoke rakkigen aro maikai saknaa man•gipa manderangna dakchakanirangko on•genchim, uarangko seoka man•gimin volunteer-rang dake mesokangaha.

Shillong-o ia dake nianiko a•bachengatna skang, ‘siren’-ko Deputy Controller gam•ataha aro ian banggrianiko mesokani chin dake ong•aha. Shillong songjinmao ia mock exercise ba dake nianiko, Polo, Polo-oni Wahingdoh-ona dakanggipa rama, Polo Super Market, Polo jolo donggipa dokkanrang, Hotel Polo Tower, Polo-o donggipa SBI building, MeECL, Lumjingshai, Samkhamti Petrol Pump aro uandakgipa dingtang dingtang biaprango ong•atangaha.

Ia mock exercise-o district official-rang, sipai dolrang, NDRF, SDRF, Police, Fire & Emergency Service, Hospital-rang, skulrang, college-rang, NGO-rang, Bharat Scouts & Guides, Indian Red Cross Society, NSS, Aapda Mitra aro uandakgipa dingtang dingtang volunteer-rang bak ra•angtokaha.

Apsan daken, ia mock exercise-ko Garo Hills-ni dambonga a•jarango aro Jowai-oba apsan salon ong•atangaha aro ia mock exercise-o dingtang dingtang department-o kam ka•giparang, police-rang, chatro chatrirang aro dingtang dingtang dolrangba bak ra•e, banggriani somoirango dakna nanggnirangko dake niangtokaha.

East Garo Hills a•jao ia mock exercise-ko Rongrenggre Government Higher Secondary School kal•chakram aro gipin dambonga biaprango ong•atangaha aro ia mock exercise-ko East Garo Hills a•jani Deputy Commissioner Vibhor Aggarwal aro gipin official-rang nitimangaha.

Garo Hills-ni pilak biaprangon ia mock exercise-ko State Disaster Management Authority (SDMA), District Disaster Management Authority (DDMA) aro District Administration-rang baksa nangrime ong•atangaha.

Iakoba poraie nina man·gen: Biharo rel gari a·sel ong·a: Dakchakaniko am·china Meghalayani manderangna sorkari Helpline Number on·a

Watch

Find latest news from every corner of Northeast India at hubnetwork.in, your online source for breaking news, video coverage.

Also, Follow us on-

Twitter-twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/nemediahub