Shillong, Mar 1: Public Sector Entreprises (PSEs)-ni Standing Conference of Public Entreprises (SCOPE)-ni gita Right to Information (RTI) Act-ni bidingo workshop-ko Sukrobar saloni a•bachenge salgnina, Shillong songjinmani Hotel Vivanta-o ong•atenga aro ia workshop-ko a•bachengatani salo, Meghalaya a•dokni Chief Information Commissioner (CIC) H Nongpluh, mongsonggipa sokgipa ong•e bakko ra•angaha.
Ia workshop-ko a•bachengatani salo, Meghalaya a•dokni CIC H Nongpluh, tom•anio bak ra•giparangna aganprakangengon, RTI Act-ni bidingo manderangna u•iatna man•na gita iandakgipa workshop-rangko ong•atjringchina didiangaha.
Dingtang dingtang kamrangni bidingo u•i-ma•sie ra•na man•na gitasa RTI Act-ko ra•gataha ine talataniko on•angengon, jensalo manderang maiba kamni bidingo ma•sie ra•na gita RTI ka•e sing•sandiengon, manderangni ma•sina sike sing•atenggipa kamrangni bidingo aganchakaniko on•aniara public information officer (PIO)-rangni daitoan ong•a ine Nongpluh aganaha.
Ia workshop-ni skanggipa salo, gitcham CIC Prof M Ansari, HAL-ni Director Atasi Baran Pradhan aro dingtang dingtang official-rangba bak ra•angaha aro gnigipa salo, gitcham CIC Heeralan Samariya bak ra•angskana sienga.
Na·simang iakoba poraie nina man·gen:NEIGRIHMS-ko Institute of National Importance-ona ra•doatchina Conrad didia
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
