Shillong, Jul 7: Sombar salo, salgro salaramni dambri a•dokrang, chong•motan Meghalaya, Mizoram, Tripura aro Sikkim a•dokni dilgiparang, 16th Finance Commission baksa New Delhi-o tom•enba, salgro salaram a•dokrangna tangka paisani gita dakchakanirangko on•ani bidingo chanchirimangaha.
Ia tom•aniko, Meghalaya a•dokni Chief Minister Conrad K Sangma sokachakaha aro tom•anio, Mizoram-ni Chief Minister Lalduhoma, Tripura-ni Finance Minister Pranajit Singha Roy aro Sikkim sorkarini official-rangba bak ra•angtokaha.
Ia tom•anio a•dok dambrini dilgiparang, salgro salaram a•dokrangna tangka paisani gita dakchake on•ani bidingo chanchirimangengon, ia a•dokrangna central tax share ba ma•mong sorkarini man•enggipa kajinarangoniko bang•bate chamatchina 16th Finance Commission-ko didiangaha.
Salgro salaramni chonchongipa a•dokrang tangka paisani gita neng•nikanirangko chagrongna nangrongani gimin iandake central tax share-ko bariate on•china a•dok dambrini dilgiparang didiangaha.
Ia tom•e chanchirimanio, Meghalaya a•dokni Chief Minister Conrad K Sangma-ba an•tangni chanchianirangko janapangengon, salgro salaramni chonchongipa a•dokrangna tangka paisa chame on•aniko 15th Finance Commission-ni chamana bate 25% bariatna aro special infrastructure fund-ko on•na gita 16th Finance Commission-ko recommend ka•china mol•molangaha.
16th Finance Commission-ni Chairman aro membor-rangba, salgro salaram a•dokrangni neng•nikanirangko ma•sichake aro ia commission-ni somoio namroro silrorona man•engako nike, uamangni nangnikanirangko niatna ku•rachakaniko on•angaha.
Na·simang ia video-koba nina man·gen:
Na·simang iakoba poraina man·gen: 2027 bilsini National Games-na W’nagar-ni Boxing dol tarisamsoa
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
