Guwahati, May 20: Ministry of Skill Development and Entrepreneurship (MSDE), Salgro Salaram jolni chadamberangna apprenticeship training-chi kamrangko man·a dakchakaniko on·a tangka gong kror 43.94-ni gital pilot project-ko a·bachengataha. Ia scheme-ko, Aizawl-ni Union Minister Jayant Chaudhary aro Mizoram-ni Skotong Minister Lalduhoma a·bachengate on·angaha.
Ia project-ni ning·o, Salgro Salaram jolni sak 26,000 chadamberangna, National Apprenticeship Promotion Scheme (NAPS)-ni ning·o man·enggipa dakchakani baksa japrako 1,500 tangkarangko bilsisana on·gen. Salgro Salaram jolo ba uni a·palo skie ra·aniko dakgenchim ong·oba uamang ia dakchakaniko man·gen.
Ia scheme-ni gita, chadamberangna chong·mot kamrangko dake niani aro da·oni karkanarango kam ka·na gita nangchongmotgipa changa sapanirangkoba skie ra·na dakchakanikoba on·gen ine Chaudhary aganangaha. Salgro Salaram jolni apprenticeship program-rango me·chikrang bang·batani gimin ian gipin a·songrangnaba nambegipa dakmesokani ong·aha ine ua ra·doe aganangaha.
Ia project-ni gita Salgro Salaram jolni chadamberangna, India-ni pilak biaprangon nambata kam ka·e cha·ani cholrangko am·na dakchakaniko on·gen ine Skotong Minister Lalduhoma u·iatangaha.
Guwahati-ni Indian Institute of Entrepreneurship (IIE) aro National Skill Development Corporation (NSDC), a·dokni aro jolni agency-rangni dakchakanichi ia scheme-ko chalaianggen.
NSDC, textile sector-o komibewaloba me·chikrangko atagrik ra·e chu·gimik sak 1,000 chadamberangna skie on·a gita Welspun Living Limited baksa ku·monggrikani soi-ko ka·angaha. Gujarat-ni Welspun Facility-o training on·anio classroom lesson-rang baksana jaktangchi dake nianirangkoba on·anggen.
Ia tom·bimonganio, tangka gong kror 60,000 tangkarangchi India-ni ge 1,000 sorkarini ITI-rangko namdapatna miksonganirangkoba mesoke on·angaha. Ian da·oni chasongo karkanarangni nangnikani gita apsan ong·atpana Salgro Salaram jolni karkanarangko namdapatna dakchakgen.
Na·simang ia video-koba nina man·gen:
Na·simang iakoba poraina man·gen: 2027 bilsini National Games-ko M’laya-sa mongsonggipa ong•e sokachakgen: CM
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
