Shillong, June 5: North Eastern Council (NEC), India-ni Salgro Salaram jolo tangka paisani gita tang·doaniko ra·bana wa·a aro agar bol nangchongmotgipa karakanarang ong·a ine aganengon, 114 million agar bolrang donge Assam iana 82% mangni gita on·gilpagiparang ong·a.
A·song gipinni bading chiwalram biapo, nambatsranggipa agar to-rangko kg prako lakh 10-na bate palna man·a ine official-rang u·iataha. Ia tom·anio, agar-oniko man·gipa bosturangko bariatani, bosturangko namdapatani, gipin biapchina bostu watani baksana wa·a aro agarwood sector-o bang·bata bading chiwalani aro kam ka·e cha·ani cholrangko bikote on·ani bidingo chanchirimaniko dakangaha.
NEC, Salgro Salaram jolo wa·a karkanarangko mangrakbatatani cholrangni giminba chanchirimaniko dakangjolaha. A·dokrangko jinmana rika cho·ani project-rango 5% mangni gitade wa·arangko jakkalchina u·iatengon, North East Cane and Bamboo Development Council (NECBDC), bosturangko namdapatna aro bostu tarigiparangko pala sim·aniko dakgiparang baksa nangrimatna dakchakskagen ine ia tom·anio janapataha.
Chief Secretary-rang, State Planning Secretary-rang aro Ministry of Development of North Eastern Region (DoNER) baksana NEC-ni a·gipibatgipa official-rang ia tom·anio dongpae bak ra·angpaaha. DoNER-ni Secretary Sanjay Jaju, Salgro Salaram jolo chu·gimik namroro sikroroaniko ra·bana gita ma·mong sorkari on·kange kamrangko ka·enga ine u·iatan baksana a·dok sorkari aro ma·mongni agency-rangni gisepo nambate kamrangko ka·chinaba ua u·iatangkuaha. Official-rang, Ashtalakshmi Darshan-Youth Exchange Programme-ni bidingoba nipiltaianiko dakangaha, jeni skanggipa phase-o India gimikni sak 530 chatro chatrirang bak dongpaa.
Na·simang iakoba nina man·gen:
Na·simang iakoba poraina man·gen: NEC-ni chang 73-gipa plenary-ko Union Home Minister dilanga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
