Shillong, Jun 5: North Eastern Council (NEC)-ni chang 73-gipa plenary-ko Bristibar salo, Meghalaya a•dokni skotong Shillong songjinmao ong•atangaha aro ia tom•aniko, Union Home Minister aro Cooperation Minister Amit Shah dilangaha.
Ia tom•bimonganio, Development of North Eastern Region (DoNER)-ni Union Minister Jyotiraditya Scindia, Meghalaya a•dokni Governor CH Vijashankar, Meghalaya-ni Chief Minister Conrad K Sangma, DoNER-ni Union Minister of State Sukanta Majumdar, Union Home Secretary Govind Mohan, DoNER Secretary Sanjay Jaju aro dingtang dingtang dilgiparangba bak ra•angtokaha.
NEC-ni chang 73-gipa tom•bimonganio, Arunachal Pradesh, Assam, Manipur, Mizoram, Nagaland, Sikkim, aro Tripura a•dokni Governor-rang aro Chief Minister-rangba bak ra•angtokaha.
NEC-ni chang 73-gipa plenary-ko ong•atani bidingo, a•dokni Chief Minister Conrad K Sangma, talataniko on•angengon, salgro salaramni pilak biaprangon dingtang dingtang kamrango namroro silroroaniko ra•bana gita High-Level Task Force-rangko songahani gimin Union Home Minister aro Union DoNER Minister-koba mittelpilangaha.
Sangma-ni aganani gitade, ia tom•anio Task Force-rang, salgro salaramni damchet a•dokrangon niksamsoani donggipa dal•roroani aro namroro silroroaniko ra•bana tarigimin roadmap-ko mesoke on•angaha.
Salgro salaram jolrango ku•cholsan ong•aniko aro namroro silroroaniko ra•baanio North Eastern Council (NEC)-ni mongsonggipa kamrangko ka•engani giminba Sangma janapangaha.
Na·simang iakoba nina man·gen:
Na·simang iakoba poraina man·gen: ILP-na dabianiko Conrad, Union Home Minister-na gisik ra•atpila
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
