Shillong, June 5: Meghalaya a•doko niam gri napsrukanirangko champengsona gita Inner Line Permit (ILP)-ko ra•gatchina dabienggipani bidingo Meghalaya a•dokni Chief Minister Conrad K Sangma, Union Home Minister Amit Shah-na gisik ra•attaianiko on•angaha.
Bristibar salo a•dokni Chief Minister Conrad Sangma, Shillong songjinmao Union Home Minister-ko grongenba, niam gri napsrukanirangko champengani, Khasi aro Garo ku•sikrangko Constitution-ni Eighth Schedule-o napatchina dabiani, Sixth Schedule-ko taridapani aro Foreign Contribution (Regulation) Act (FCRA)-ko dingtangatani bidingo janape, memorandum-ko on•angaha.
A•dokona niam gri napsrukbae songdong a•chaenggiparangni gimin janapatengon, niam gri napsrukaniko champengna rakbatgipa niamrangko ra•gatna nangenga ine Chief Minister janapatenba, Meghalaya Assembly-o resolution pass ka•gipa Meghalaya Residents Safety & Security Act (MRSSA) aro ILP-ni bidingo gisik ra•atpilaniko on•angaha.
Khasi aro Garo ku•sikrangko Constitution-ni Eighth Schedule-o napatchina dabienggipani bidingoba Chief Minister, Union Home Minister-na sedoatgipa memorandum-o janapangaha.
Sixth Schedule-ko taridapani gimin janapangskaengon, maming niamrangko taridapna skangba, Tribal-rangni namgnina, salgro salaram a•dokrang baksa chanchirimchengchina gita Sangma, Union Minister-ko didiangaha.
FCRA-ko taridapanichi mitam dolrangna jajrengchakanirang ong•engani giminba Union Home Minister-ko gronganio a•dokni Chief Minister, nipiltaichina gita mol•molangaha.
A•dokni nanganirangko knatime ra•angahani giminba ua Amit Shah-ko mittelpilangaha.
Na·simang iakoba nina man·gen:
Na·simang iakoba poraina man·gen: Tura Hindi School-o anti-drug awareness programme-ko ong·ata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
