Shillong, Jun 30: Meghalaya a•dokni dingtang dingtang biaprango bading chiwale cha•enggipa manderangni chu•sokgipa ong•anina mande ra•pilskaaniko on•na gita Mongolbar salo, Meghalaya a•dokni Chief Minister Conrad K Sangma, ‘Achievers of the Month’ program-ko a•bachengate on•angaha.

Dingtang dingtang bading chiwalanirangko dake cha•anio chu•sokna man•gipa manderang, an•tangtangni kamrangni gimin aganachi sakgipinrangkoba didiskana man•na gita aro bading chiwalani kamrango sorkarini dakchake on•anirangko mesokna gita ia program-ko tariaha.

Ia ‘Achievers of the Month’ program-ko a•bachengate on•anganio a•dokni Chief Minister, jinmana aganprakangengon, niamrangko aro dingtang dingtang dakchakanirangko on•anichi sorkari, chol on•timgipani daitoko ka•engoba, bading chiwalani kamrangchisa economy-ni dal•roroanikode ra•bana man•a ine aganaha.

Ia program-ko a•bachengatani miksonganiko talate on•angengon, dingtang dingtang bading chiwalanirango chu•sokanirangko a•gilsakna mesokna aro sakgipinrangkoba didina gita ia program-ko a•bachengataha ine Chief Minister aganaha.

Ia July jakode dingtangmancha bading chiwalgiparangnan on•kanganggen ine u•iatengon, ia program-o bading chiwalanirango chu•sokgipa manderangni kamrangko jinmana mesoke on•anggen ine Chief Minister parakataha.

Chakchikrakgipa ong•ani gamchataniko janapangengon, bading chiwalani kamrangde altua ong•ja indiba gisiko skani aro miksongani donggenchimode bading chiwalanio chu•sokaniko ra•bana man•chongmota ine Chief Minister aganaha.

Chatro chatrirangkoba a•dokni Chief Minister, an•tangtangni kamrango bimchipgiparang aro kim•kimgiparang ong•china ku•pattiangaha.

Bading chiwalanirangko a•bachengatenggipa manderangna dakchakanirangko on•engani gimin ua dingtangmancha PRIME-ni kamrangkoba mittelpilangaha.

Ia ‘Achievers of the Month’ program-o jaantian, bading chiwalani kamrangosan ong•aigija, kal•susaani, gama ge•ani, lekka pora aro manderangna dangdike on•anirango chu•sokgiparangnaba dingtangmancha mande ra•pilskaanirangko dakanggen.

Ia program-ko a•bachengatani somoio, a•dokni dingtang dingtang biaprangoni sak 50 bading chiwalgiparangna mande ra•pilskaanikoba dakangjolaha.

Na·simang iakoba nina man·gen: 

Na·simang iakoba poraina man·gen: Ma·mong sorkari, Meghalaya a·dokna pilak dakchakanirangko onenga: AL Hek

na·simang hubnetwork.in, oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter- twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/ne_media_hub