Williamnagar, Jun 30: Electoral Roll-rangko Special Intensive Revision (SIR) ka•ani bak gita nokantiona re•e, electoral roll-rangko nipilna a•bachengahani gimin jolo songdongenggipa manderangna aro dingtang dingtang dolrangna agan-talataniko on•na gita Mongolbar salo, SIR-ni Phase-III ba gittamgipa bakni bidingo awareness program-ko Williamnagar Circuit House-o ong•atangaha.
Ia program-ko ong•atanio, non-governmental organization (NGO)-rang, civil society organization (CSO)-rang, self help group (SHG)-rang, dingtang dingtang skul aro college-ni principal aro headmaster-rang, ma•giparangni dolrang, aro jolo songdongenggipa manderangba bak ra•angtokaha.
Ia tom•anio bak ra•giparangna, East Garo Hills a•jani Deputy Commissioner RP Marak, rimchaksoani kattarangko aganangengon, Special Intensive Revision-ni bidingo agan-talatanirangko on•angenba, ia kamko name chu•sokgipa ong•atna pilakkon bakrimchina didiangaha.
Ia program-ko ong•atanio, East Garo Hills a•jani Additional Deputy Commissioner (Election) Dimserita A Sangma-ba aganprakengon, nokantiona booth level officer (BLO)-rangni re•e electoral roll-rangko nipilanbi, draft electoral roll-rangko chapa ka•ani, a•kangna aro jegalna dongimin somoi aro bon•kamgipa electoral roll-rangko chapa ka•ani bidingo jinmana agan-talate on•angaha.
Ia Special Intensive Revision-ko dakani miksonganiara, bilsi sokgimin manderangko electoral roll-rango segatna, sesretanirangko taridapna, biap damgnio biming donggiparangko den•galna aro sigimin manderangni bimingrangko electoral roll-rangoniko den•galna miksonge ong•atanian ong•enga ineba ua aganaha.
Bon•kamao, East Garo Hills a•jani Deputy Commissioner RP Marak, pilak dolrangko aro a•jao songdongenggipa manderangko, ia Special Intensive Revision-o gisik nange bak ra•china aro election official-rangni kamrango dakchakanirangko on•china mol•molangaha.
Na·simang iakoba nina man·gen:
Na·simang iakoba poraina man·gen: Ma·mong sorkari, Meghalaya a·dokna pilak dakchakanirangko onenga: AL Hek
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
