Guwahati, Aug 19: “Weaving India Together : Natural Fibres, Innovation, and Livelihoods from the North East and Beyond” ingipa National Conclave-o India a·songo jaktangchi ba·ra dokani aro kilding rikanina gisikko on·bate tom·bimonganiko ong·atanggen. Ia tom·bimonganiko, Central Agriculture University (Imphal) baksana Indian Council of Agriculture Research, Ministry of Textiles, India aro Meghalaya-ni sorkari apsan nangrime 2025 bilsini October 6 tarikoni 8 tarikona New Delhi-o ong·atanggen.
Conclave-na skang, CAU (Imphal)-ni Vice Chancellor Dr. Anupam Mishra, Meghalaya a·dokni Skotong Minister Conrad K Sangma-ko grongenba ia tom·bimongani bidingo talate on·angaha, jeon Tura College of Community Science (CCS)-ni Dean Dr. Jyoti V. Vastrad aro ICAR-NEH-ni gitcham Director Prof. S. V. Ngachan, Meghalaya a·doko kilding tariani bang·a bosturang baksana jakchi ba·ra dokani bidingo aganangaha. Skotong Minister Conrad K Sangma, ia chanchibewalanina namnikpaaniko on·engon, jatni dakbewal rikbewalrangko naljoke rakkian baksana songo donggipa manderangni janggi tangani cholrangko dake ra·anio dakchakaniko on·a nangchongmotani gimin u·iatangaha.
Ia sal 3-na ong·atna sienggipa conclave-o gisik a·ning bitgiparangni chanchirimani, mikkang parak dake mesokani, Industry-Producer ba bostu-rangko tarigiparangni grongrikani baksana chatro chatrirangna an·tangtangni dingtang chanchibewalaniko mesokna susagrikanirangko ong·atanggen. Ia chanchirimanio pangkamgipa kilding rikaniko a·ba dakani, samtangtango donggipa ong·telaigiparangna nangchakea grigipa rong sim·ani, online-gita bostu palani baksana jatni bewalo jaktangchi bostu tarianiko chasong gitalni bewal baksa nangdimatanio gisikko on·batanggen. Uasan ong·aigija, Assamese jatni dakbewalko jakkale rongtalgipa lekkarang jekai Gunamala aro Bhagavad Gita-ni kattarangko ba·rao dokanina mingsingako man·e, Padma Shri award-ko man·pilgipa Hemoprova Chutia-na mande ra·pilskaanikoba iano dakanggen.
Tura-ni College of Community Science aro Central Agriculture University, Garo Hills-o Processing Unit donganichi kildingoniko dingtang dingtang bosturangko tarianio skanggipa biapo ong·enga. Ia Unit-o te·rik pang, anaros bijak, sisal, flax ba kilding bikotna ge·gipa bol rokomsa aro me·ka boloniko kildingrangko bikotna jakkala. Iana agreba, ia college samtangtango donggipa ong·telaigiparangna nangchakeako ra·bagijagipa janggi tangani cholko a·bachengatna dakchakaniko on·a game ge·e cha·giparang aro bading chiwalaniko dakgiparangna training program-rang ong·atanikoba dakbaenga.
Ia conclave-ko ong·atna sienggiparangni bebe ra·ani gitade, ian ma·manti bosturangko jaktangchi tarigiparang, cooperatives ba nangrimgimin dolrang baksana songni pilak manderangko karkanarang aro a·gilsakni dingtang dingtang biaprang baksa nangdimatna dakchakaniko on·a, janggi tangani cholrangko bariatna, chonchongipa bading chiwalanina dakchakaniko on·an baksana pangkamgipa namroro silroroanina didianikoba on·anggen.
Also Read: Bamboo innovation from Meghalaya brings a natural touch to aromatherapy
Also Watch
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
Download our app from playstore – Northeast Media Hub
