Guwahati, Augu23: Institute of Urology & Kidney Diseases (IUKD), Sonapur, Guwahati, Salgro-Salaram-ni skanggipa urological robot – Mantra 3.0-ko oprake on·angaha. IUKD-ni CMD aro Chief Specialist in Urology and Robotics, Dr. Arup Kumar Nath ia koborko manderangna parakataha.
“Chinga ia cholko jakkale ge·gni robotic surgery-rangko chu·soke matchotataha – ian India-ni Salaram-chipak skanggipa changna jakkalgipa urological robot ong·a. Surgery ka·ako man·gipa manderang sakgnian namen dongenga aro chinga IUKD-o ia robot-ni dakchakanichi da·o cancer aro laparoscopic surgery-rangko ka·angna niksamsoenga,” ine Dr Nath media-na aganangaha.
Salgro-Salaram-o robotko jakkale sagiparangko sanna-bananirangko dakna amchakanian mongsonggipa miksongani ong·a ine ua aganaha. “Robotic bosturang, uko bimang ong·atani aro changsa jakkale galna nanggiparangni dam namen raka. Indiba chinga uarangko ama dipet komiatna jotton ka·enga – a·songni gipin biaprango koros ong·ana 50% komie da·o a·bachengo on·na jotton ka·enga. Hospital-o dongani somoirangko komiate aro dingtang dingtang biaprango donggipa urologist-rang baksa bakrime sanna-bananirangko dakangeba chinga koros ong·anirangko komiatna jotton ka·enga,” ine Dr Nath talataha.
Mantra 3.0-ko IUKD-ni a·bachengatanichi, Assam aro sepangjolo donggipa a·dokrangni manderang a·palchina re·angna nanggija a·gilsakni gadango robotic surgical treatment-ko biaptangon ra·na man·gnok.
Na·simang iakoba nina man·gen:
Na·simang iakoba poraina man·gen: Biapni dakbewalrangko ripingchina Arunachal governor songsarek kamalrangko didia
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
