Guwahati, April 6: India-ni Salgro Salaram-o Buddhist cultural tourism-ko bilakbatatna ine Sombar salo North East India Tourism Confederation (NEITC), Association of Buddhist Tour Operators (ABTO) baksa bakrimaniko dakenga ine parakataha.
Ia memorandum of understanding-ko (MoU) March ja-o Arunachal Pradesh-ni Namsai minggipa biapo National Tourism Convention and Familiarisation (FAM) Tour-ko ong•atani somoio soi ka•angaha.
Ia bakrimaniko dakanichi a•songni a•palchini re•bagipa manderangko Buddhist biaprangona re•angna tik ka•e on•na aro cholrangko on•anio nambatatna ine miksongenga ine NEITC aganangaha. Una agreba, Salgro Salaram-o manderangni u•ironggijagipa Buddhist biaprangni gimin u•iatna aro uarangko manderangna parakatna ineba miksongenga.
Ia cholko ra•baanichi Buddhist tourism-na gital cholrangko ra•bana ja•ku de•enga ine Convention-ni Chairman Tsering Wange Guwahati-o ong•atgipa press conference-o parakataha. “A•songni a•palchini re•bagipa tourist-rang Bodh Gaya aro Tibet-rangona re•rongbata. Ia bakrimanichi chinga Arunachal Pradesh, Assam, Sikkim aro Salgro Salaram-ni gipin jolrango donggipa biaprangko mesokna jotton ka•enga,” ine ua aganangaha.
Dam 25 a•songrango ABTO-ni donganichi, ia bakrimanio a•gilsak gimiko donggipa Buddhist tourism circuit-ni gisepo Salgro Salaram-ko nambata gadangona ra•bae, jolo tourism-ko namdapatna gital cholrangko ra•bana miksongenga.
Ia parakatanichi NEITC-ni gisepo gital governing council-ko seoke kamrangko jako ra•engaha aro gital executive committee-ko a•bachengataha ine parakataha.
Seokako man•gimin gital dilgiparangara: Tsering Wange – President (Arunachal Pradesh); Elina Satapathy – Vice President-I (Manipur); Jhantu Roy – Vice President-II (Tripura); Yangchen Tongden Lepcha – General Secretary (Sikkim); Joe RZ Thanga – Joint Secretary (Mizoram); aro Rajkumar Das – Treasurer (Assam) ong•a.
Uandake, India-ni Salgro Salaram-ko a•songo aro a•palo tourism-ni biap ine nambate mesokna kam ka•gen ine gital seokgimin dilgiparang parakataha.
MoU-ko soi ka•anichi aro gital dilgiparangko seokanichi kamrangko bilakbatatna, bakrimanirangko nambatatna aro Salgro-Salaram-ni tourism sector-o namroro-silroroaniko ra•bana ja•ku de•aniko mesoka ine NEITC agandapangaha.
Na·simang iakoba nina man·gen:
Na·simang iakoba poraina man·gen: Boirymbong-ni Apex Bank-oniko u·ina man·gijagipa manderang tangka cha·ua
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
