Williamnagar, May 27: Mongolbar salo, Meghalaya a•dokni skotong Minister Conrad K. Sangma, cabinet minister Marcuise N. Marak aro Paul Lyngdoh, Tura-ni Bishop Andrew R. Marak aro dingtang dingtang sorkari official-rangni dongpaanio, Samanda-ni St. George School-o gital rikdapgipa school nokko oprake on•angaha. Ia skul nokko oprakani somoio St. George School-ni chonchongipa bi•sarang, sokbagipa sakantiko an·sengatna chrok-mesae mesokangaha.
Ia tom•anio, a·dokni Skotong Minister aro cabinet minister-rangni jakchi, school-ni chatro-chatrirangna M-TAB-rangko aro Anganwadi-o kam ka·enggipa me·chikrangna Mobile phone-rangko suale on·angjolaha. Unbaksana chirangko cheke, rongtalgipa chirangko bi•sarangna on•na man·a gita Eco H2O Filter-koba sualangaha
Ia tom•anio, CM Care-ni beneficiary ba namgniko man·enggipa manderangnaba cheque-rangko sualangjolaha.
Ia tom·anio Skotong Minister jinmana aganengon, Anganwadi worker-rangna smartphone-rangko bree on·a ine Ministry of Women and Child Development tangka kror 6-ko on·aha aro ian uamangko nambate kam ka·na dakchakgen ine janapangaha.
POSHAN Abhiyan-ara Anganwadi worker-rangni segatna jakkalgipa register-rangko digital ong·e dakskaani ong·a ine janapatengon, Anganwadi workerrang, uamangni smartphone-rango install ka·gimin POSHAN App-ko jakkale data-ko chimonggen aro gipin gapatna nanganirangko dakgen, jechin social welfare-ni ning·ao donggipa scheme-rangko a·bachengatna aro nirokna dakchakgen ine skotong minister talataniko on·angaha.
“Anganwadi workerrang bi·sarangko bilsi 6-ona kingking changroani aro be·en jreaniko toe POSHAN tracker-o gatna nag•a. Iarangko somoi gita aro altue dakna man·a gita ian gamchatani ong•genok” ineba Skotong Minister talataha.
Na·simang ia video-koba nina man·gen:
Na·simang iakoba poraina man·gen: Dorengkigre-o Williamnagar Urban Water Supply-na rikenggipa tengkiko Skotong Minister niea
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
