Dibrugarh, June 13: Sonibar salo Arunachal Pradesh-ni East Kameng district-o donggipa Seppa songni soroko gari a·sel ong·achi sak 5 manderang janggi galaha.
Janggi galgipa manderangko Assam a·doko donggipa North Lakhimpur district-oni Bulbul Hussain, Abdul Hussain, Nur Hussain, Amjat Ali aro Saidul Ali,ine ma·sina man·aha.
Seppa-o gari a·sel ong·anio sak 5 manderang janggi galaha ine East Kameng-ni deputy comissioner Dilip Kumar Chetia parakataha.
Ia a·sel ong·ani uamangni Seppa-china reangpilmitingo, bolero gari jeon uamang songreeng·achim chalaigipa gariko man·chakjani a·sel tubegipa a·kuangchi ga·akonangaha. Sakbride a·damon janggi galaha aro saksade hospitalchi sanna ra·angani somoio siaha, ine Chetia aganaha.
Am·sandio man·ani gitade sianggipa manderang Rilloh-o Sukurbar bajar-ona re·baaha aro salgipino uamang Seppa-ona re·angpilengachim.
A·bachenge am·sandio a·sel ong·ani pringni 9-oni 10 bajimango uamang Rilloh-oni ong·katangna ine chanchipenga.
A·sel ong·chakgipa a·damko nianiko dakmiting somoio sakbrini manggisiko nikaha aro saksakode billongen matabuako man·e sakinae dongako nikeaha.
Sakinagipa mandeko tarakaen Seppa-ni District Hospital-ona sanna rimangahachim indiba rasonggribe·e ua janggigalaha.
Na·simang iakoba nina man·gen:
Na·simang iakoba poraina man·gen: Gram 19 heroin baksa pekatgipa bostu badinggipako Mankachar-o rim·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
