Guwahati, May 27: Trinamool Congress-ni MLA Sherman Ali Ahmed, Assam Assembly Session-ni bon•kamgipa salo Uniform Civil Code (UCC)-ni mitam niamrangko jegale, Assembly-oni ong•kate kataha. Assembly-ni a•palo kobor ra•timgiparangna aganengon, ua bi•sarangko bia ka•ani aro saksana bate jik ra•aniko (polygamy) champengani niamrangkode namnikpaa indiba, UCC-o donenggipa mitam niamrangara Islam toromni ning•o dongenggipa adita niamrangni kosako re•ani ong•enga ine Ahmed parakataha.
Advertisement“Angaba Uniform Civil Code-ko namnikpaa, indiba UCC-ni ning•o donenggipa niamni adita bakrangko (provisions) anga poraie nion, bi•sarangko bia ka•atani (child marriage)-ko champengna donenggipa niamrangko anga chakpaa; uandaken saksana bate jik ra•aniko (polygamy) champenganikoba anga chakpaa aro Quran-oba iandake champenganirang donga ine anga chanchia,” ine ua aganaha.
Quran-o saksana baten jik ra•aniko rakbegipa kakket aro bewalo (justice and fairness) niamko on•a, jeko da•ororo janggi tanganio (practical life) chu•sokatna gita neng•rae on•enga ineba ua agandapaha.
Bia ka•ani, bia ka•taiani (remarriage) aro sako bia ka•na man•gen uani bidingo donenggipa UCC-ni mitam niamrangara ‘Quran-ni niamrangni kosako ong•enga’ (against Quranic provisions) aro toromni kam ba niamrangode (religious matters) sorkarini gita jak dongna nangja ineba Ahmed aganaha.
Sorkarini kosako matnange aganengon, sorkari namgija miksonganio, toromko manina on•gimin niam ba bilrangko (fundamental rights) pe•enga ine ua aganaha. Manderangni namgnina ong•jaode, sorkari manderangni toromni gita janggi tanganio jak on•na nangja, ineba ua aganaha. Uandake ong•genoba, bi•sarangko bia ka•ani aro bang•e jik ra•aniko sorkarini tik ka•e donaniara namgipa ja•ku de•ani (welcome steps) ong•a ineba ua MLA parakataha.
Na·simang iakoba nina man·gen:
Na·simang iakoba poraina man·gen: Nikronggijagipa Albino Hog balgitchakko Kaziranga-o nika
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
