Shillong, Sep 3: Shillong Medical College-na dam 50 MBBS seat-rangko National Medical Commission (NMC) ra•chakmanahani gimin ia medical college-ni class-rangko ia September ja dipetan a•bachenggnok ine Budbar salo, Meghalaya a•dokni Health Minister Ampareen Lyngdoh parakataha.
Health Minister-ni parakatani gitade, ia 2025-2026 academic session-na dam 50 MBBS seat-rangko NMC ra•chakaha aro Shillong Medical College-koba dam 13 a•dokrango donggipa dam 21 medical college-rangoni damsa ine Letter of Permission (LoP)-ko man•soahani gimin ia college-ni class-rangko ia jaonin a•bachengna man•gnok.
Ian NEET pass ka•gimin chatro chatrirangna India a•song gimikon tik ka•gimin gita ong•enga ine janapatengon, Shillong Medical College-ni MBBS seat-na gnigipa counseling-ko re•baenggipa 2026 bilsini September jao a•bachengskagen ine Lyngdoh parakataha.
Shillong Medical College-na dam 50 MBBS seat-rangko on•ahani gimin NEIGRIHMS, RIIMS aro uandakgipa dingtang dingtang medical college-rangna on•gipa dam 94 seat-rangko channe da•o Meghalaya a•dokni chatro chatrirangna gimik dam 144 MBBS seat-rang dongaha ineba Lyngdoh aganaha.
Ia Shillong Medical College-ara brown field project-sa ong•ani gimin Shillong Civil Hospital, Ganesh Das Hospital aro uandakgipa hospital-rangkon skichakgipa hospital dake jakkalgen aro ia college-na gital hospital-ko nangjawa ineba Health Minister, talataniko on•angaha.
Ia medical college-na skigiparang chu•ongkujaengoba, je dongsogimin skigiparangchi class-rangko a•bachengataignok ineba Lyngdoh aganaha.
Health Minister-ni parakatani gitade, RIIMS-ni ENT surgeon Dr Nicola Gracyl Iangrai, Shillong Medical College-ni director ong•e kamko ka•anggen.
Tura Medical College-ni bidingo talataniko on•angskaengon, Tura Medical College-ara Greenfield project-sa ong•ani gimin gital nokrangko rikna nanga aro Shillong Medical College gita dongsogimin hospital-rangko jakkalna man•ja ine Health Minister parakataha.
Na·simang iakoba nina man·gen:
Na·simang iakoba poraina man·gen: Tipra Motha-ni MLA Philip Kumar Reang BJP-ni dilgipa aro Tripura Dy.CM-ni kosako badi ka·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
Download our app from playstore – Northeast Media Hub
