Agartala, Sept 2: Mongolbar salo Tipra Motha-ni MLA Philip Kumar Reang, MLA hostel-ni ning·ao an·tangko ka·mikkenataha inenba, BJP-ni dilgipa Pratik Dev Varma aro Tripura-ni Deputy Chief Minister Jishnu Dev Varma-ni kosako West Tripura a·jani Agartala-ni NCC police station-o badi ka·eaha.
Prative Dev Varma, Telangana-ni Governor-ni depante ong·a. “Anga angni nokni manderang baksa nokdangni obostarangni gimin agangrikengachim. Ua somoio, sakgittam manderang angni government quarter No-209-ona (MLA hostel, ILS-ni sepang) re·baaha aro angko rim·kepaha aro chingni nokdangni agangrikanio jotnapaha. Anga uamangko re·angchina aganaha indiba uamang manijaha aro angni gitokko rasotgen ine ong·gija kamikenataha,” ine MLA FIR-o janapaha.
“Uamang angko so·otna ka·mikkenataha aro sak 400-500 BJP-na kam ka·giparangko rimbae angko aro angni nokni manderangko so·otgen ine aganaha. Ua manderang Santirbazar Assembly Constituency-ni MLA Promode Reang-ni MLA Hostel Room-oni ong·kaatbaaha. Anga uamang baksa mamung kajia-golmal a·botgijan uamang angko indake chadrapeaha. Uamang namgija miksongani gnang re·bae angko re·anggipa walo so·otna am·aha,” ine Reanga parakataha.
“Mamung gipin cholko nikjae anga MLA Biswajit Kalai-ni government quarter-ona katnapeaha. Uandaken, MLA Biswajit Kalai-ni nokni manderangni nokchakanichi anga an·tangni janggiko jokataha. Ia mande sakgittamrangni ka·mikkenatani ja·mano anga aro angni nokni manderang namen kenjagoke dongenga,” ine Reang uni FIR-o janapaha.
Indake, ua uni nokdangna aro uamangni gam-jinrangna chel·chakaniko on·china niam-ko ja·rike dakchina aro dos dakgiparangko kakket bichal-ona ra·bachina MLA mol·molaha.
“Da·asalni pring 11 bajio, anga angni kam ka·rimskarang baksa a·dokni skotong minister Manik Saha-ko grongaha aro re·anggipa walni obostani bidingo agangrikaha. Ua MLA hostel-ko naljokatna aro ong·gipa obostani bidingo nirokatna chingna ku·chake on·aha,” ine Philip Kumar Reang kobor ra·timgiparangna parakataha.
Na·simang iakoba nina man·gen:
Na·simang iakoba poraina man·gen: Cherry Blossom, Me•gong aro uandakgipa festival-rangko ong•atanichi cr 133-ko man•a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
Download our app from playstore – Northeast Media Hub
