Shillong, May 14: Bristibar salo, Meghalaya sorkarini Urban Affairs Department, Shillong Municipal Board baksa nangrime CM Connect program-ko Shillong songjinmani U Soso Tham Auditorium-o ong•atangaha aro ia program-ko ong•atanio a•dokni Chief Minister Conrad K Sangma, mongsonggipa sokgipa ong•e bak ra•angaha.
Ia tom•anio, a•dokni Deputy Chief Minister aro Urban Affairs Minister Sniawbhalang Dhar baksana dingtang dingtang sorkari official-rang, dingtang dingtang gittimni dilgiparang, dingtang dingtang dolrang aro Shillong songjinmao songdongenggipa manderangba bak ra•angtokaha.
Ia program-ko ong•atanio a•dokni Chief Minister, jinmana aganprakengon, manderangni nangani aro neng•nikanirangko knatime ra•na gitasa ia program-ko tariaha ine talate on•angenba, manderangni nanganirangko chu•sokatanian sorkarini mongsonggipa daito ong•a ine parakataha.
Manderang baksa agangrikanirangchisa sorkarini kamrangkode nambate chu•sokatna man•a ine janapatengon, manderangna dangdike on•anian sorkarini mongsonggipa daito ong•ani gimin pangnan manderangni chanchianirangko nipiltaina nangchongmota ine Chief Minister aganaha.
Sorkariko chalaianio bamgipa ong•ani aro manderangni namdapatna ku•pattianirangko ra•chakna man•gipa ong•na nanga ineba ua aganaha.
CM Connect program-ni gimin talatanirangko on•angkuengon, ia program-ni ning•o sorkari, manderangona re•ange knatime ra•an baksana manderangni nangani aro neng•nikanirangko u•iatna 1971 nombor-ko on•manaha ine Chief Minister parakataha.
A•doko songdongenggipa manderang baksa nambate agangrikna man•na gita CM Connect program-ko MLA Connect aro DC Connect gita dakgipa program-rang baksa nangrimate, nambatatna miksongenga ineba ia tom•anio Chief Minister parakataha.
Manderangni neng•nikanirangko salsanode namatna gita man•jawa indiba nama bewalo cholrangko sandie kamko ka•genchimode, ka•sine namroro silroroaniko ra•bana man•gen ineba Chief Minister aganaha.
Ia tom•anio a•dokni Deputy Chief Minister Sniawbhalang Dhar-ba aganprakengon, ia program-ko ong•atanio a•doko songdongenggipa manderang, mongsongbate chadamberangni gisiko nange bak ra•anian ia CM Connect program-ni chu•sokgipa ong•aniko mesokani ong•enga ine parakataha.
Ia program-ko ong•atanio, Chief Minister’s Artist Engagement Scheme-koba a•bachengate on•angjolaha aro ia scheme-ni ning•o, seoka man•gipa manderangna a•dokni dingtang dingtang biaprango noksarangko salna gita sakprako gong 20,000-ni cheque-rangko sualataha.
Na·simang iakoba nina man·gen:
Na·simang iakoba poraina man·gen: Supreme Court-ni niamo pangchake koela cho∙aniko dakna on∙piltaichina JCOMSWA skotong minister-ko didia
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
