Shillong, May 14: East aro West Jaintia Hills a∙jarango songdonggipa a∙a donggipa tribal manderangko namgipa aro naljokgipa bewalo samtangtangko nisigija koela cho∙anirangko dakna niamrangko tarichina ine Jaintia Coal Owners, Miners, Suppliers & Workers Association (JCOMSWA) Meghalaya sorkariko Autonomous Council-rang aro India sorkari baksa bakrime kamrangko ka∙china didiangaha.
Tribal manderangni a∙arango donggipa mineral-rangni nokgiparangara uamang an∙tangtangan ong∙a ine Supreme Court-ni janapgimino pangchake bilsi chikkungna bate a∙doko koela cho∙anirangko dontongataniko a∙bachengatpiltaina on∙china association-ni manderang a∙dokni skotong minister Conrad K Sangma-na memorandum-ko on∙ataha.
2014 bilsio National Green Tribunal-ni koela cho∙aniko dontongatani ja∙mano Jaintia Hills-o donggipa a∙a donggipa tribal manderang namen neng∙nikanirangko man∙aha.
Memorandum-o janapani gitade, a∙ningo donggipa hgam-jinrangara ma∙gitcham-pagitchamrangni uamangna donanggimin aro India-ni Niam Bidik-ni gita uamangna on∙giminrang ong∙genchimoba, manderang uarangko an∙tangtangni janggi tangani gadangrangko namroro-silroroatna jakkalna man∙jaenga.
“Chinga gitcham salrango gita, niam-gri, kengnigipa bewalo aro samtangtangna chanchigija a∙kolrangko cho∙e koela bikotanirangko dakna ine hukumko am∙jaenga. Niamko pe∙anide chingni dabiani ong∙ja,” ine JCOMSWA uamangni memorandum-o janapangaha.
Uandake uamang skotong minister-ko Jaintia Hills-ni manderangni nangnikbeenggipa kamrangko ka∙e on∙china aro koela cho∙anirangko dakna niamrangko tarina ja∙ku de∙china mol∙molangaha. Unbaksana, ia kamrangko jako ra∙ani bidingo skotong minister-na koborrangko on∙na aro chanchirimanirangko dakanio dakchake on∙na uamang pangnan donga ine JCOMSWA ku∙chake on∙angaha.
Na·simang iakoba nina man·gen:
Na·simang iakoba poraina man·gen: Lapangap songo SF-10 aro M’laya Battalion-rangko donata: DGP
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
