Shillong, May 14: Meghalaya Police, East Jaintia Hills a·jaoniko naka checking dakanio ge 30,000 bretatgipa bosturang baksana sakgniko rim·aha.
East Jaintia Hills-ni SP Pankaj Kumar Raksania-ni press release-o u·iatani gitade, police-rang May jani 13 tariko Umkiang PPP naka point-o pringni 2:30 bajimango Silchar-oni Meghalaya-ona re·angenggipa AS-10-A-5916 registration number donggipa gipok rongni Hyundai Eon gariko dongdipate, am·sandianiko dakanio uamang carton baksogni aro jolongga ge·sao chipgimin bretatgipa bosturang baksana gario donggipa Assam, Cachar a·jani Jamalpur songoni Kamrul Ali Laskar aro Cachar a·jani Loknathpur songoni Ibrahim Uddin Laskar-ko rim·aha.
Police-rang, iani bidingo Bharatiya Nyaya Sanhita aro Explosive Substances Act-ni ning·o Lumshnong Police Station-o case-ko segataha. Ia bretatgipa bosturangkoara banoniko ra·baachim aro banona miksonge ra·angengachim uarangko u·ina gita am·sandianirangko dakengkua ine police-rang u·iataha.
Na·simang iakoba nina man·gen:
Na·simang iakoba poraina man·gen: Shillong-o CM Connect-ko ong•atanio Conrad bak ra•a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
