Shillong, May 5: Manipur a•doko Meitei jatkoba Scheduled Tribe (ST)-o ra•china dabianiko jegalanichi so•sojengjeng ong•anirangko nikna man•engon, Meghalaya a•dokoba Meitei aro Kuki manderangni gisepo ding•chaogrikanirangko nikna man•ahani gimin ia jatgnini gisepo meligrikaniko aro tom•tomaniko ra•bapilna gita Sukrobar attamo, Meghalaya a•dokni Director General of Police (DGP) LR Bishnoi-ni dilanichi police officer-rang, ia jatgnini chatro chatrirang baksa Naga Durbal Hall-o donggipa Nagaland House-o tom•aniko ong•atangaha.
Meghalaya a•doko aro mongsongbate Shillong songjinmao iandake dingtang dingtang jatrangni gisepo so•sojengjeng ong•anirang dongjana gita aro tom•tomaniko rakkiangna gita ia jatgnini chatro chatrirang baksa tom•aniko ong•ataha ine tom•a matchotani ja•man a•dokni DGP LR Bishnoi parakataha.
Bristibar salo, Manipur a•doko Meitei aro dingtang dingtang jatrangni gisepo dinggrikanirang ong•katani ja•man, Meghalaya a•dokoba Meitei aro Kuki chatro chatrirangni gisepo dinggrikanirangko nikna man•angahachim.
Iakoba poraie nina man·gen: Dominic Sangma-ko watchanggalanina SAFE suk ong•gijaniko paraka
