Shillong, Feb 21: Sonibaro attamo, Meghalaya-ni sianggipa Lok Sabha MP Dr Ricky AJ Syngkon-ni manggisiko Ri-Bhoi a·jani Sumer songo donggipa Christian cemetery-ona gopna ra·angaha.
Hajalni hajal manderang, chong·motan politics-o dilgiparang, skigiparang, toromni manderang, sianggipa mandeni nokni manderang aro ka·sagiminrang, Nongsder ground-o tom·dake sianggipa dilgipako gopani giljao bak ra·angaha.
Sianggipa Shillong-ni MP-na mande ra·aniko mesokna aro una gilja ka·anio bak ra·na man·na gita, a·dok sorkari Sonibar salko chutti wataha.
Uandake, a·dokni skotongo donggipa dokkan-rang aro dingtang dingtang bading-chiwalani biaprang pringni somoio chipaha, aro sorokrango bang·gija garirangsan re·ruraaha.
VPP-ni president Ardent M Basaiawmoit Syngkon-ko duk man·bee gisik ra·aha, aro uko an·tangni kam ka·rimskasan ong·aija indiba namgipa aro ka·dongna man·gipa ripeng ineba aganangaha.
Basaiawmoit-ni aganani gitade, Syngkon-an uko politics-o napna aro rongtalgipa aro manderangna kam ka·gipa politics-ko chena didiaha. Uni sianganiara party-na aro politics-ni dilgiparangna dal·bea gimaani ong·a ine ua aganangaha.
Lok Sabha-ni ku·wattimgipa Om Birla-ba sianggipa MP-na an·tangni duk ong·aniko parakataha.
Sianggipa MP-ko gopna gilja ka·ani somoio Basaiawmoit party-ni membor-rangni kalimpaaniko jinmana poraie on·angaha aro uko mande ra·na re·bagipa pilakkon mitelangaha.
Bilsi 54 ong·gipa Syngkon, February 19 tariko robol kal·ani somoio gitile ga·akaha aro ja·mano uni janggi galaniko parakataha.
VPP ticket-ko man·e ua Lok Sabha-ni membor ong·na 2024 bilsio seokaha man·aha, aro uko uni songni-nokni manderang baksa meligipa aro sorkarini neng·nikanirangna kam ka·gipa ong·anina mingsinga.
Na·simang iakoba nina man·gen:
Na·simang iakoba poraina man·gen: SGEI Northeast, skanggipa changna Annual Conference-ko Shillong-o ong·ata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
