Gangtok, Nov 28: Sikkim Public Service Commission (SPSC)-ni Sub-Inspector-ni kamna candidate-rangko seokanio, Sikkim a•doko sorkariko chalaienggipa Sikkim Krantikari Morcha (SKM) baksa bak ong•enggipa candidate-rangkosa seokbataha ine Citizens Action Party (CAP) aro Sikkim Democratic Front (SDF) matnangatenba, iani bidingo candidate-rangni porikka see man•gipa mark-rang aro personal interview-ni mark-rangko man•chape gimikkon jinmana parakchina gita SPSC-o dabiangaha.
Sikkim Democratic Front (SDF)-ni dilgipa Komal Chamling-ni kobor ra•timgiparangna parakatani gitade, SPSC-ni ong•atgipa porikkani result-ko re•anggipa November 26 tariko parakaha aro ia kamna candidate-rangko seokanio, gimik dam 39 kamrangoni 80 percent-na baten kamrangko Sikkim-o sorkariko chalaienggipa SKM baksa bak ong•enggipa candidate-rangnasa on•ahani gimin ian niamko pe•ani gita ong•aha.
Iani bidingo SDF-ni dilgiparang, November 28 tariko, SPSC-ni chairperson aro secretary-ko gronge agangrikna re•angahachim indiba ua somoio chairman aro secretary sakgnian office-o dongjani gimin uamang, SPSC-ni examination controller-kosa grongbaskana nangaha ineba Chamling aganaha.
Apsan daken, Citizen Action Party (CAP)-ni dilgipa Albert Gurung-ba, Sub-Inspector-ni kamna seokanio an•tangni suk ong•gijaniko parakatenba, dam 39 kamrangoni 80 percent-na baten kamrangko SKM baksa bak ong•gipa manderangnasa on•aha ine matnangataha.
Sub-Inspector-ni kamna seoka man•gipa candidate-rangoni bang•batan SKM-na kam ka•gipa membor-rangsa ong•a aro batanggimin chang election-oba SKM-ni candidate-rangna campaign ka•giparangsa ong•a ineba Gurung matnangataha.
Na·simang iakoba nina man·gen:
Na·simang iakoba poraina man·gen: Tura songjinmako nitobatatna mongsonggipa kamrangko CM a•bachengate on•anga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
