Tura, Apr 30: Dingtang dingtang sipai dolrango kam ka•enggipa manderangni ainni gita neng•nikanirangko chagrongna nangani somoirango dakchakanirangko on•na man•na gita West Garo Hills a•jani District Legal Services Authority (DLSA), Bristibar salo, Legal Services Clinic-ko Tura-ni Zila Sainik Board Office-o kulie on•aha.
Ia Legal Services Clinic-ko sipai dolrango kam ka•enggiparangna, kamoni neng•takgimin sipairangna aro uamangni nokdangrangna ainni gita dakchakanirangko on•na National Legal Services Authority (NALSA) aro Meghalaya State Legal Services Authority (MSLSA)-ni dakchakanichi kuliaha aro ian ‘Veer Parivar Sahayata Yojana’ (VPSY) 2025-ni mongsonggipa bak ong•a.
Ia Legal Services Clinic-ko West Garo Hills a•jani District & Sessions Judge aro DLSA-ni Chairperson AM Ripnar nokdonggae on•angaha aro ia clinic-ko nokdonggaani ja•man joljol, Tura-ni District & Sessions Court-o Legal Awareness program-koba ‘Azadi Ka Amrit Mahotsav’-ni bak gita ong•atangaha.
Ia tom•anio, West Garo Hills a•jani District & Sessions Judge aro DLSA-ni Chairperson AM Ripnar, jinmana aganprakangengon, ‘Veer Parivar Sahayata Yojana’ (VPSY) 2025-ni bidingo talatanirangko on•angenba, ia scheme-ni miksonganiara, sipai dolrang aro kacharirango kam ka•giparangni gisepo nangrimaniko ra•baanian ong•a ine aganaha.
Ia program-ko ong•atanio, DLSA-ni Secretary IR Marak aro Assistant Legal Aid Defense Counsel Jingjang Ch Marak-ba aganprakangaha.
Na·simang iakoba nina man·gen:
Na·simang iakoba poraina man·gen: Upper Assam-oniko ULFA-1-ni cadre saksa, underground worker sak 10 baksana sak 4 drug palbadinggiparangko rim·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
