Shillong, May 20: Social media-rango me∙chikrangni kosako kragijagipa kattarangko aganne upload ka∙anina East Garo Hills police Budbar salo me∙asa saksako rim∙aha.
Matnangako man∙gipa Newbard M Sangma, jekon Betuel ineba minga, ua Williamnagar-ni Achak Jangkigre minggipa songoni ong∙a aro ua Facebook account aro Youtube channel-ko ge∙sako chalaienba, kragijagipa kattarangko see watenga ine nikenba authority-rang uko rim∙aha.
Uandake, Williamnagar Police, Bharatiya Nyaya Sanhita-ni (BNS) Section 75 (IV) (3) aro 79-ni ning∙ao aro Information Technology Act, 2000-ni Section 67-ni ning∙ao uni kosako badi ka∙angaha.
Matnangako man∙gipa mandeni kamrangni gimin kobor man∙ani ja∙mano police uni bidingo sandirikkitanirangko dakaha ine District Superintendent of Police SA Rynjah aganangaha.
Social media-o uni watgiparangko police niani ja∙mano uarang niamnini kosako ong∙a ine nikaha.
Information Technology Act-ni ning∙ao, je social media platform-oba kragijagipa noksarang aro kattarangko watna man∙ja aro iarangna niamni gita sastiko on∙na man∙a ine East Garo Hills District Police parakataha.
Uandake rim∙a man∙gipa mandeni jako neng∙nikani ba sinjetaniko man∙gipa manderangko police-na parakechina SP mol∙molangaha. National Cybercrime Reporting Portal-ko (NCRP) jakkale badi ka∙anirangko dakna man∙gen, maina ian ong∙gija dakgipa noksarangko watanirang, child sexual abuse material (CSAM) aro cyber-blackmail-rangni bidingo kobor on∙ani chol ong∙a.
Na·simang iakoba nina man·gen:
Na·simang iakoba poraina man·gen: MBoSE, SSLC private candidate-rangna registration ka·aniko a·bachengata; bon·kamgipa sal June 30
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
