Shillong, Feb 26: A•dokni Skotong Minister Conrad K Sangma, sorkarini mingbri department-rang, chong•motan, Home (Police), Excise Registration, Home Guards and Civil Defence aro Forests & Environment Department-rangni ning•o, sorkarini kamo rakkigni kragipa bilsirangni bidingo chanchirimaniko dakenba ru•utgijan parakatgnok inenba aganaha.
Mawlai-ni opposition VPP MLA-ni sing•engon, 2024 bilsini January jani 24 tariko Cabinet-o tom•e chanchirimanio, ia ge•bri department-rangni ning•o sorkarini kamo rakkina komigipa aro batgipa bilsirangni gimin janapaniko ra•chakangaha aro ru•utgijan iani bidingo jinmana parakatgnok inenba Sangma aganchakaha.
Indake, 1973 bilsini June 11 tarikni Office Memorandum-o janapani gitade, sorkarini kamo rakkina gita ra•enggipa bilsiara, komibeoba bilsi 25-27 ong•na nanga aro batbeoba bilsi 27 ong•na nangachim, uni kosakoba, jemangan Schedule Tribe aro Schedule Caste-ni gadango ga•akenggiparangnade bilsi 5 mangni gita relaxation-ko man•dapachim. Iani gisepon, ia tik ka•gimin bilsirangko bariatchina inenba adita dolrangoni mol•molaniko man•soahani gimin, sorkarini kamo rakkina gita batbegipa bilsi 27-oniko bilsi 32-ona tang•doataha aro bilsi 5 mangni gita Schedule Tribe aro Schedule Caste-ni gadango ong•enggiparangna bariataniko, Government of Personnel & AR(A) Department, 2022 bilsini February 3 tarikni Office Memorandum-o parakataha inenba Sangma aganaha.
Ia Office Memorandum-o sorkarini kamo rakkina, komibegipa aro batbegipa bilsirangko tik ka•giminko, ge•bri Department-rangko donchange, chong•motan, Home (Police), Excise Registration Taxation & Stamps, Home Guards & Civil Defence, Prisons aro Forests & Environmental Department-rangko donchangenba gipin sorkarini kamrangnasan jakkalna man•gen ineba ia Office Memorandum-o janapatahachim. Ia department-rangni gita, dingtang, komigipa aro batbegipa bilsirangko tik ka•taichina gita mol•molatahani gimin chanchirimaniko daktaiaha ine aganan baksa, batanggimin somoio, Meghalaya Police Service-ni ning•o, Excise, Forest Guards-ni Inspector aro Officer-ni post-rangna tik ka•gimin bilsirangkon ja•rikaha inenba CM aganaha.
Na·simang iakoba poraie nina man·gen: Guwahati-o donggipa A·chik chatro chatrirang gronggrika
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
