Shillong, Jun 10: Tangka paisarangko koros ka·anio simsakbatna gita sorkarini korosrangchi Minister-rang, MLA-rang aro sorkari official-rangni gipin a·songrangona songre songgabataniko Meghalaya sorkari, jadokna dontongatchengaha.
Ia sal somoirango, badiaba badiaba a·songrangni gisepo dinggrikanirangchi, tangka paisarangni gimin mamingkoba agansamsona gita man·jaengon, a·gilsakni pilak biaprangon sorkarirang, tangka paisarangko simsakbate koros ka·tokenga aro apsan daken Meghalaya sorkariba iani bidingo, korosrangko komiatna gita ja·kurangko de·chakataha.
Nangchongmotgipa kamrangna aro namroro silroroani kamrangna tangka paisarangko rakkie donna man·na gita sorkarini tangka paisarangko simsakbate koros ka·na nangenga ine Meghalaya sorkari parakataha.
Sorkarini korosrangchi gipin a·songrangona songre songgabataniko jadokna dontongatchengahani gimin dingtang dingtang department-rangni komibeoba sak 68 sorkari official-rangni gipin a·songrango donggipa program-rangko ra·doatna nangaha ine sorkarioni u·iataha.
Sorkari official-rangni u·iatani gitade, ia program-rangara, livestock development, climate-resilient water management, healthcare systems, project implementation, environmental management, aro electoral administration-o nangchakegipa program-rang ong·a aro ia program-rangko United Kingdom, Denmark, United States, Japan, Thailand, Vietnam aro Argentina a·songrango ong·atna tik ka·ahachim.
Indake ong·genchimoba, sorkari official-rangni gipin a·songrangona songre songgabataniko jadokna dontongatchenganiara gipin a·songrang baksa chanchirimgrikna songre songgabataniko bon·atengaha ong·ja indiba ian a·dokni nangchongmotgipa kamrangna korosrangko donna gita sorkarini korosrangchi gipin a·songrangona songre songgabataniko dontongatchenganisan ong·enga ine Meghalaya sorkari parakataha.
Ia u·iataniara, India sorkarini ba Multilateral Development Bank-rangni chu·gimik dakchake on·anichi sorkari official-rangni gipin a·songrangona songre songgabataniode maming nangchakeani dongjawa ineba u·iataha.
Na·simang iakoba nina man·gen:
Na·simang iakoba poraina man·gen: Bilsi 8-ni gisepo M’laya-ona Tourist-rangni sokani tang·dobataha: Tourism Minister
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
