Tura, Jun 15: Special Rural Works Program (SRWP) scheme-ni ning•o ambulance bolgittamko Sombar salo, Rangsakona constituency-ni ning•o donggipa health centre damgittamna pakwate on•angaha.
Ia ambulance-rangko, Rangsakona-ni MLA Subir M Marak, Garobadha-ni Nirupama Higher Secondary School kal•chakramo program-ko ong•atanio, Garobadha Primary Health Centre (PHC), Rangsakona Primary Health Centre (PHC) aro Dorambok Health and Wellness Centre-na pakwate on•angaha aro ia program-ko ong•atanio, South West Garo Hills a•jani Deputy Commissioner Anendya Raajsshre, District Medical & Health Officer (DM&HO) Dr Himanshu Barman aro dingtang dingtang official-rangba dongpae bak ra•angaha.
Ia ambulance-rangko, Rangsakona-ni MLA Subir M Marak, health centre damgittam-ni medical officer-in-charge-rangni jako pakwate on•angaha.
Program matchotani ja•man Hub News baksa agangrikengon, Rangsakona constituency-ni ning•o ru•uta somoirangonin ambulance-rangko nangdapenga ine ua ma•siahachim aro sagipa manderangko somoi gita health centre ba hospital-rangona on•na sorkarini dakchakanichi da•alo ia ambulance-rangko sokbaate on•na man•aha ine Rangsakona MLA Subir Marak aganaha.
Ia ambulance-rangko ra•badape on•na man•aniara, Rangsakona jolrango an•seng baljokani kamrangko mangrakbatatasan ong•aigija, songadam nokadamrango sanna banani kamrangko namdapatna NPP-chi dilenggipa sorkarini on•kange kam ka•aniko mesokani ong•gen ineba ua aganaha.
Ia health centre-rangna ambulance-rangko ra•bae on•ahani gimin Rangsakona constituency-ni saksa Greatwill M Marak, constituency-ni MLA Subir Marak-ko mittelpilangskaaha. Ia jolrango mitam PHC-rang ambulance grisa chalaiengachim indiba da•alo ia PHC-rangna ambulance-rangko ra•bae on•ahani gimin sagipa ding•giparangko hospital-rangona sokate on•anio bang•en namgni ong•gnok ineba ua aganaha.
Na·simang iakoba nina man·gen:
Na·simang iakoba poraina man·gen: India-Bangladesh-ni sima ari-o donggipa No-Man’s land-o sak 9 manderangni jachange donganichi Assam-o so·so jengjeng ong·kua
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
