Guwahati, June 15: Assam a•dokkoni Chief Minister Himanta Biswa Sarma, Jalukbari oni Lokpriya Gopinath Bordoloi International Airport-ona kilometre 10 ro•gipa flyover -ko tarina manchiengani gimin parakataha.
Chief Minister-ni aganani gita, ia ramako taria ja•man, airport-ona re•na traffic-o jachange somoi cha•anirangko komiatgnok aro Jalukbari -oni airport-ona re•nagita minit 7 ba 10 rangsan nangaignok ine, ua aganangaha. Ia flyover-ko tarinagita Union Road Transport aro Highways Minister Nitin Gadkari baksa golpogrikani aro uni ia project-na dakchakaniko on•paani ja•man, tik ka•angaha.
Ia project-ko a•bachengna somoirangko parakatkuja, indiba iara Guwahati songjinmani ramarangko tarimangiparangoni mingsa mongsonggipa bak ong•gen ine ka•donggsoenga.
Ia flyover-ko tariani miksonganiara, Guwahati songjinmao ramarango garirang apchangketanirangko komiatna gita ong•a. Indake re•anggipa bilsirango Guwahati-o ramarango garirangni apchangketanirangko komiatna gita ramarangko taridapna bang•a project-rangni kosakko kam ka•anirang matchotaha, jeoni mingsa Maligaon-o donggipa 2.6-km ong•e rogipa Nilachal Flyover ong•a. Iara Maligaon Chariali oni Kamakhya Gate-ona dakgipa flyover ong•a.
Guwahati-ni salgipeng jolrangoba garirangko ta•rake re•na dona aro manderangko hospital-rangchi ta•rake sokna man•atnagita, Lalganesh-o gital rikdaldalgipa Dr Syama Prasad Mookerjee, Flyover-koba oprake on•angaha.
Six-lane Khanapara Jalukbari bypass aro adita flyover-rang chongmotan Basistha, Lokhra, Gorchuk aro Boragaon flyover, Guwahati-ni saliram-salaram jolrangoba garirang apchangketanirangko komiatna dakchakaha.
Indake, ramarango gari rang apchangketanirangko komiatna gita ramarangko aro flyover-rangko taridapangkuenga.
Guwahati songjimano aro airport-chi re•gipa ramarango garirang apchangketanirang batrikrikengani gimin airport-ona re•gipa ramarangko taridapna mangchongmotenga.
Ia flyover-ko taria matchotani ja•man iara Northeast India-o ro•batsranggipa flyover ong•an baksana re•na donarang altubatatgnok aro ta•rakbatagnok.
Na·simang iakoba nina man·gen:
Na·simang iakoba poraina man·gen: SRWP scheme-ni ning•o ambulance bol 3-ko Rangsakona-o pakwate on•a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
