Shillong, July 5: Meghalaya a·dokni SSA skulrango skigiparangna April aro May jagnini dormaharangko July jani gnigipa antio sorkari watatna siengaha.

Iako Meghalaya a·dokni Education Minister Rakkam A Sangma, Meghalaya SSA Schools Association (MSSASA)-na Mongolbar salo u·iataha ine association-ni president Aristotle C Rymbai parakataha.

Rymbai-ni parakatani gitade, SSA skulrango skigiparang da·o April jaoni June jaona jagittamni dormaharangko man·na nangkuenga aro skigiparangna sorkari, da·o jagnini dormaharangko July jani gnigipa antio on·atenba June jani dormahako ja·mano watatskana sienga.

SSA skulrango skigiparang, 2016-17 bilsini arrear-rangkoba man·na nangkuengani gimin skigiparangni arrear-rangko on·na gita skanggipa bako gong 12,44,08,818 tangkarangko a·dokni Finance department watatmanaha ineba Education Minister, MSSASA-na u·iataha ine Rymbai parakataha.

Iakoba poraie nina man·gen: Sikkim-o pang lak 1-na baten bolrangko ge•a

WATCH:

Find latest news from every corner of Northeast India at hubnetwork.in, your online source for breaking news, video coverage.

Also, Follow us on-

Twitter-twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/nemediahub