Shillong, Apr 7: Ia 2026 bilsini Secondary School Leaving Certificate (SSLC) porikkao, Top 20-ni skanggipa biapko man•e chu•sokanggipa Gorkha Pathshala Higher Secondary School-ni chatro Wangaal Lama, an•tangni kamna chu•ongnikaniko parakataha.
Ia porikkao ua an•tangni gisik ka•tong gimikchi tikkele chu•sokaniko man•ahani gimin ua an•tangni kamrangna maming sikkimpilani dongja ineba ua aganaha.
An•tangni result-ko knachengani somoio ua bebera•nan ampiljaha aro namen kusi ong•aha ineba Lama aganaha.
An•tangni chu•sokgipa ong•anina ua an•tango bebera•ani aro tikkelaniko mittele aganaha.
An•tangni chonbatgipa chatro chatrirangna agan-ku•pattianiko on•angengon, agre ki•tapmangmangosan pangchakaijachina aro kamrangni gimin name ma•sie ra•china gita Lama aganaha. Porikkako seengon, an•tangtangni gisik ka•tongonikosa sechina gitaba ia chatro, an•tangna chonbatgiparangko didiangaha.
Mikkangchi mai kamko ka•na miksonganirang donga ine sing•anina aganchakaniko on•angengon, da•o dipet iani bidingo ua an•tangde maming chanchisoa dongkuja indiba Isolan uni janggi tanganio cholrangko on•aigen ine Lama aganaha.
Na·simang iakoba nina man·gen:
Na·simang iakoba poraina man·gen: MBOSE, SSLC supplementary porikani tarikrangko parakata, April 14 tarikoni online form-ko on·a man·gen
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
