Tura, June 21: Ia 2023 bilsini Secondary School Leaving Certificate (SSLC) porikkao teng•sugipa Garo Hills-ni chatro chatrirangna mande ra•pilskaaniko dakna gita Budbar salo, Meghalaya Board of School Education (MBOSE) dingtangmancha tom•aniko Tura-ni District Auditorium-o ong•atangaha.
Ia program-ko ong•atanio Meghalaya a•dokni Education Minister Rakkam A Sangma, mongsonggipa sokgipa ong•e jinmana aganprakangengon, porikkao namgipa result-rangko man•e A•chik a•songna mikkim rasongko ra•baahani gimin chatro chatrirangko mittelpilangenba, ian uamangna gital songreaniko a•bachenganisan ong•enga ine parakangaha.
Education department-osan ong•aigija dingtang dingtang department-rango dingtanganiko ra•baahani gimin ua dingtangmancha a•dokni Chief Minister Conrad K Sangma-koba mittelpilangaha.
Garo Hills-o lekka porani gita ja•manchakkuengani gimin an•tangni suk ong•gijaniko parakatengon, a•jatangtangona re•angpile, maini a•sel chatro chatrirangni result-rang tang•dona gita man•jaengachim, am•sandie nichina gita Sangma, dingtang dingtang a•jani deputy commissioner-rangko didiataha.
Iana skang, Education department-ni Advisor Himalaya Shangpliang-ba jinmana aganprakengon, batanggimin bilsirangode Shillong songjinmani skulrangsa chubata gadangrangko man•rongbatachim indiba da•ororode Garo Hills-oba lekka porani gita tang•dobae, skanggipa biapko Garo Hills-onin man•aha ine an•tangni kusi ong•chakaniko parakataha.
Namgipa result-rangko man•na dakchakengani gimin skigiparangko mittelpilangengon, da•o mikkang salrangode Garo Hills-ni kamrangko Shillong-o nangategija a•jatangtangni deputy commissioner-rangan jako ra•e nirokanggnok ine Shangpliang parakataha.
Ia program-ko ong•atanio, Kharkutta-ni MLA Rupert Momin, Tura Municipal Board-ni Chairman JD Sangma, Education department-ni Commissioner & Secretary Pravin Bakshi, School Education & Literacy-ni Director Swapnil Tembe, MBOSE-ni Executive Chairman Ambrose Ch Marak aro Garo Hills gimikni deputy commissioner-rangba dongpae bakko ra•angaha.
Iakoba poraie nina man·gen: Williamnagaro donggipa PFC-o kamko ka·enggipa staff-ni kosako GSU, DC-na badi ka·doanga
Watch
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
