Guwahati, April 11: Meghalaya a·doko Subansiri Lower Hydroelectric Project-oniko nangana bate bijoli wataniko nangjawa aro da·o uko ra·angkugenchimode, manderangni bijoli jakkalanirango korosrang batgen ine a·dok sorkari parakataha.
Meghalaya Power Distribution Corporation Limited-ara (MePDCL) nangana baten hydropower-ko man·e chalaienga aro Subansiri-ni Unit II aro III-ko nangja ine North Eastern Regional Power Committee-ni (NERPC) tom·anio official-rang aganaha. Adita salrangna skangsa, Subansiri Lower Hydroelectroc Project-ni Unit II aro III-ko jakkalna ine tik ka·aha.
Chang 57-gipa Commercial Coordination Committee-ni tom·bimongani somoio, agitchagipa, jakkalna tikatgijagipa bijoliko a·songni gimikna sualatna man·a gita damsan ra·chimongna man·gen ine official-rang talatangaha. Uandake iani bidingo dakchakaniko am·na Ministry of Power aro Central Electricity Authority-na (CEA) sedoenba, NERPC-naba u·iatchina Committee-ni manderang MePDCL-na ku·pattiangaha.
“MePDCL-o hydropower agitchaen donga, uni gimin uko nangja,” ine tom·anio serikaha.
Indake ong·genchimoba, ia project-oni hydropower-ko da·o a·songni jakkalenggipa chol gitan a·doko watenga, aro indake dakanichi a·dokni power sector jajrenganiko man·enga.
Meghalaya gita dakgipa a·dokrangna agitchaple power-rangko watanichi indin korosrangko ong·ate, bijoli jakkalgipa manderangna neng·nikanirangko on·enga ine NERPC parakataha. Uni gimin, bijoliko indake watjachina ma·mong sorkariko mol·molchina committee-ni manderang a·dok sorkarina ku·pattiangaha.
Uandake, da·o bijoliko watenggipa cholni a·sel chagrongenggipa neng·nikanirangko aro koros ong·anirangko data-ko jakkale tarie mesokchina Meghalaya aro Assam a·dokna ge·etaniko on·ataha. Ia report-ko NERPC Board nianirangko dakanggen.
Meghalaya gitan, Assam a·dokoba chu·onga gita hydropower-ko man·genchimoba Subansiri Unit II aro III-oniko 33.1 MW (6.62%) on·ataha. Iandake on·dapanichi Assam a·dokoba bijoli jakkalgiparangna bang·bate korosrang ong·gen ine official-rang mikrakataha.
Indake ong·engon, Ministry of Power gital ge·etaniko on·atja dipetde, apsandaken bijoliko watanirangko dakangkugen ine NERPC talatangaha.
Na·simang iakoba nina man·gen:
Na·simang iakoba poraina man·gen: Shillong-ni Rilbong-o gital ramako oprake on·anga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
