Tura, Apr 24: Adita salrangna skang, South West Garo Hills a•jani Garobadha samba jolo donggipa Gandhipara songo Chenga Benga Mela-ko ong•atanio me•chik bi•sa sakgniko drae til•ekgipa manderangoni police-rangni chanchichipenggipa mande sakbriko rim•na man•aha.
Rim•ako man•gipa mande sakbrioni sakgnide Assam-oni aro sakgnide Meghalaya-oni ong•a.
Ia sakbrioni saksakode police-rang, Rajabala-o bus garioniko rim•na man•aha aro gipinrangkode Assam-ni police-rang, Hatsingimari-oniko rim•na man•skaaha.
Police-rangni u•iatani gitade, ia manderangni bidingo koborko man•soani ja•man police-rang, dos dakgipa mande sakgnini katna jotton ka•enggipa bus gari bolsako rim•aha. Apsan daken, Assam-ni police-rangba potchipenggipa mande sakgniko Hatsingimari-oniko rim•na man•aha.
Rim•ako man•gipa mande sakbrian Bengali ku•sikko agangiparang ong•achim aro bilsi 22-oni bilsi 26-ni gisepo ong•giparang ong•achim.
Rim•a man•gipa manderangko da•o police-rang sing•sandienga aro bakan ia a•sel ong•anio jak donggipa pilak manderangkon rim•na ka•dongenga.
Rim•a man•gipa mande sakbrikon da•o Ampati-ona rimangaha.
April-ni 17 tariko, Gandhipara songo ong•atanggipa Chenga Benga Mela-ona re•anggipa me•chik bi•sa sakgniko dolsa manderang chadrapenba drae til•ekahachim aro ia me•chik sakgni baksa re•anggipa me•asa sakgnikoba apsan manderangan kragija dake dokahachim.
Na·simang ia video-koba nina man·gen:
Na·simang iakoba poraina man·gen: Tura Football League Super Division-ko a•bachengata
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
